BolgeXeber.Com » Analitika » İsmət Abbasovun oğlu haqda yeni şok məlumatlar

İsmət Abbasovun oğlu haqda yeni şok məlumatlar

26-07-2013, 10:55

Oxunub: 4 800

Böyük Britaniyadan qayıtmayan Yunis Abbasov necə oıub ki, Azərbaycanda universitet və magistratura bitirib?

Ötən saylarımızda kənd təsərrüfatı naziri İsmət Abbasovun Böyük Britaniyada müstəsna ərazidə çoxmilyonluq mülklərə sahib olduğu barədə sübutlarla yazmışdım. Nazirin oğlu Yunis Abbasov bu mülklərin varlığını təsdiqləmiş, bu məsələyə qabiliyyəti çatdığı qədər cavab verməyə çalışmışdı.

Ancaq apardığım araşdırmalar nəticəsində onun gətirdiyi aydınlaşmaların əsassız olduğunu yazmışdım. Araşdırmalarım zamanı nazir oğlunun Böyük Britaniya vətəndaşlığı ortaya çıxdı, bu da özlüyündə bir çox mətləblərə aydınlıq gətirdi.

2000-ci ildə Yunis Abbasov Təhsil Nazirliyində yaradılmış komissiyanın qərarı ilə orta məktəbi vaxtindan bir il tez bitirir. Buna onun atası İsmət Abbasovun keçmiş təhsil naziri Misir Mərdanovla dostluğu yardımçı olur. Nazir oğlu həmin il Azərbaycan Dövlət iqtisad Universitetinə daxil olur. Yunis Abbasovun özü “Qafqazinfo” saytına verdiyi müsahibədə etiraf edir ki, 2001-ci ildə ingilis dilini təkmilləşdirməkdən ötrü Böyük Britaniyaya gedib. O vaxtdan Yunis Azərbaycana qayıtmayıb, ancaq hansı yollasa həm universiteti bitirib, həm də magistraturanı.

Sonra bəlli olacaq ki, bu nazirin yaxşı düşünülmüş planına uyğun olaraq baş verib. Nazirin bu hazırlıqları prezident Heydər Əliyevin səhhətinin ağır olduğu dövrə təsadüf edirdi. Bu, o dövrdə mətbuatda yüksək rütbəli məmurların öz ailələrini, əmlaklarını xaricə çıxarmaları barədə gedən məlumatlarla üst-üstə düşür.

Xatirladım ki, ismət Abasovun qızı da Böyük Britaniyada yaşayır. Böyük ehtimalla o da Böyük Britaniya vətəndaşlığı əldə edib.

Nazir hər an siyasi şəraitin dəyişəcəyindən qorxduğundan övladlarının Azərbaycana gəlməməsinə çalışıb. Ilk baxışdan fağır adam təəssüratı yaradan nazir İsmət Abbasov Əliyevlər hakimiyyətinin uzunmüddətli olacağına inanmayıb, övladlarını və öz vəzifəsindən sui-istifadə ilə əldə etdiyi milyonları xaricə daşıyıb, onlara təminat yaratmağa çalışıb. O, əbəs yerə oğlu Yunisə “Y.A.Propety Investments Limited” şirkəti yaratmayıb. Məqsəd gələcəkdə Böyük Britaniyada alınmış mülklərin həmin şirkətin uğurlu biznes fəaliyyəti nəticəsində alındığını deməkdir.

Yunis Abbasov Azərbaycan vətəndaşı deyil, bu ölkənin Silahlı Qüvvələrində xidmət etməyib və etməyəcək, itirilmiş torpaqlarımızın azad olunmasında da iştirak etməyəcək.Yeri gəlmişkən, İsmət Abbasovun övladları diasporamızın Londonda təşkil etdiyi Azərbaycanın xeyrinə olacaq heç bir tədbirdə iştirak etməyiblər.

Bəli, İ.Abasov Əliyevlər iqtidarının yüksək rütbəli məmurlarının bariz nümunəsidir. Bunlar üçün Azərbaycan Vətən, doğulub, böyüdüyü torpaq müqəddəs deyil, hətta üzvü olduqları Əliyevlər komandası da müvəqqətidir, təhlükə yaranan kimi qoyub qaçmaq olar. Onlar üçün əsas xalqımızı zəlil günə qoyub taladıqları var-dövlətin taleyidir. Iqtidar nümayəndələri yeri gəldi-gəlmədi özlərini hamıdan çox vətənpərvər, millətçi göstərmək istəyirlər.

İndi görəsən, prezident İlham Əliyev komandasının üzvü İsmət Abbasovun bu davranışına göz yuma biləcəkmi? Onu yüksək dövlət postunda saxlayacaqmı?..

Murad Həsənli

Çox Oxunanlar