Bizimlə əlaqə | Reklam
BolgeXeber.Com » Analitika » Ramiz Zeynalovu Səhlab Bağırov əvəzləyəcək

Ramiz Zeynalovu Səhlab Bağırov əvəzləyəcək

27-08-2013, 09:50
Oxunub: 5 515 Baş Dövlət Yol Polisi İdarəsinin rəisi postunu təhvil verir, generala yeni vəzifə təklif olunacaq

Yaxın vaxtlarda Baş Dövlət Yol Polisi İdarəsində kadr dəyişikliyi ola bilər. Bu barədə etibarlı mənbələrdən məlumat daxil olub.

Həmin məlumata əsasən BŞBDYPİ-dəki əsas dəyişiklik elə idarənin rəisi, general Ramiz Zeynalovun işdən çıxarılması ilə bağlıdır. Qeyd olunur ki, generalla bu yaxınlarda danışıqlar aparılıb və onun nəzərinə çatdırılıb ki, artıq postunu təhvil verməyin vaxtı çatıb. Amma işdən çıxarıldıqdan sonra onu başqa bir vəzifə gözləyir.

Mənbə bildirib ki, Ramiz Zeynalov üçün iki əsas vəzifə nəzərdə tutulub. Birincisi, onun nazir müavini postuna gətirilməsidir ki, bunun indiki məqamda çətin olacağı düşünülür. Çünki DİN başçısı Ramil Usubovun müavinləri postlarından boş olanı yoxdur. Hazırkı müavinlərdən isə kimsənin işdən çıxarılması gözlənilmir.

İkincisi isə onun Bakı Şəhər Baş Polis İdarəsinə rəis müavini təyin etməkdir ki, bu mümkün versiyalardan sayılır. Çünki Ramiz Zeynalovun yerinə gətiriləcək şəxs faktiki olaraq BŞBPİ-də işləyir. Mənbə iddia edir ki, BDYPİ-nin rəisi general Ramiz Zeynalovu əvəzləyəcək şəxs BŞBPİ-nin rəis müavini Səhlab Bağırovdur. Hətta o da bildirilir ki, Bağırov indidən yeni vəzifəsinə hazırlığa başlayıb.

Onu da bildirək ki, prosesin seçkidən əvvəl və yaxudda seçkidən sonraya təsadüf edəcəyi hələlik məlum deyil.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]