Bizimlə əlaqə | Reklam
BolgeXeber.Com » Analitika » Siyasi məhbus karsa salındı

Siyasi məhbus karsa salındı

5-09-2013, 22:25
Oxunub: 7 913 Bu gün əldə olunan məlumata görə Penitensiar Xidmətin 12 saylı Cəza Çəkmə Müəssisəsində cəza çəkən məhkum jurnalist Fuad Hüseynov müəssisənin cərimə təcridxanasına salınmışdır. İlk ehtimalla görə onun cəzalandırılması səbəbi 12 saylı Cəza Çəkmə Müəssisəsində baş verən qanunsuzluqlarla bağlı Kütləvi İnformasiya Vasitələrində gedən yazılardır. Hüquq müdafiəçisi Taleh Xasməmmədovun sözlərinə görə o, həmin cəzaçəkmə müəssisəsinin bəzi məhkumlarından məktublar almış və məktublarda olan yazıları dərc etmişdir. O bu günə qədər Fuad Hüseynovdan isə heç bir məktub almadığını bildirmişdir. Həmçinin Fuad Hüseynov telefon zənglərində bildirirmişdir ki, “buradan nə yazı getsə rəis Aftandil Ağayev məndən şübhə edir”. Hüquq müdafiəçisi Cəza Çəkmə Müəssisəsinin rəisi ilə telefon əlaqəsi saxlamış və Fuad Hüseynovun cərimə təcridxanasına salınması faktını dəqiqləşdirmişdir. Rəis Aftandil Ağayev Fuadın cərimə təcridxanasına salınma səbəblərinə isə heç bir aydınlıq gətirməyədən qeyd etmişdir ki “nə isə var ki, ora salmışıq”.

Xatırladaq ki, jurnalist Hüseynov Fuad Oktay oğlu Azərbaycan Respublikası CM-nin 221.3-cü maddəsi ilə təqsirli bilinərək Ucar rayon Məhkəməsinin 26 sentyabr 2011-ci il tarixli hökmü ilə 6 il 6 ay müddətində azadlıqdan məhrum edilib. Bir çox hüquq-müdafiə təşkilatları onun qanunsuz ittihamlarla tutulduğunu bəyan etməklə onu siyasi məhbus olaraq tanımışdır.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]