Bizimlə əlaqə | Reklam
BolgeXeber.Com » Analitika » “Uşaq futbolunda istedadları məhv edirlər” – Məşqçi harayı

“Uşaq futbolunda istedadları məhv edirlər” – Məşqçi harayı

18-11-2022, 13:26
Oxunub: 9 568 “Uşaq futbolunda istedadlı azyaşlılar məhv olur. Onlara futbolun təməl texnikası, fiziki və topsuz məşqlər düzgün keçirilmir. AFFA-nın məşqçilik kursları məşqçilər üçün vacibdir. Orada düzgün iş qaydası öyrədilir. Lisenziya alsan da, almasan da keçdiyin təcrübə inkişaf üçün çox faydalıdır”.
Bu sözləri Aut.az saytına “AZART” futbol klubunun baş məşqçisi Səxavət Ağazadə uşaq futbolundakı problemlərdən danışarkən deyib. O, daha sonra belə davam edib:
“Əfsus ki, indiki gənc çalışdırıcılar öz üzərilərində çox işləmirlər. Bəzi ödənişli klublar var ki, orada xeyli istedadlı uşaqlar məhv olur. Məşqçilər öz xeyirlərinə görə azyaşlıları başqa klublara yönəltmir. Təsəvvür edin ki, 13-14 yaşlı uşaqlar oyundankənar vəziyyət qaydasını bilmirlər.
Komandalar çempionata 20-30 uşaqla yollanır, lakin yarışda yeddi, doqquz nəfərlik komandalarla çıxış edirlər. Yerdə qalan uşaqlar isə oyun təcrübəsindən məhrum olurlar. Uşaq futbol oynamırsa, onun inkişafından söhbət gedə bilməz.
Məşqçilər azyaşlıları bir yerə yığıb onların hamısını komandada saxlamamalıdırlar. Uşaq futbolunda elə klublar var ki, ölkədəki bütün yaxşı oyunçuları yığıb yarışlara qatılır. Bu halda isə rəqabət olmur. Bu gün uşaq futbolunda elə çatışmazlıqlar var ki, danışmaqla bitməz. Əgər gələcəyimizi düşünürüksə, uşaq futboluna diqqət və qayğını artırmalıyıq”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]