Bizimlə əlaqə | Reklam
BolgeXeber.Com » Analitika » “Amaliya Pənahova ağlını çaşdırıb”- Qalmaqal

“Amaliya Pənahova ağlını çaşdırıb”- Qalmaqal

20-10-2013, 09:50
Oxunub: 4 642 Bakı Bələdiyyə Teatrının direktoru, Xalq artisti Amaliya Pənahova müsahibəsində Akademik Milli Dram Teatrını ittiham edib. “Akademik Milli Dram Teatrı həmişə mənim aktyorlarımı öz səhnəsinə aparıb, sonra məhv edib, işdən çıxarıb”-deyə bildirən Xalq artistinə cavab gecikməyib.


Bolgexeber.com xəbər verir ki, Akademik Milli Dram Teatrının sabiq direktoru Maqbet Bünyadov AzNews.az-a açıqlamasında bildirib ki, o, nə indi, nə də teatrda direktor olduğu illərdə Bakı Bələdiyyə Teatrı adında qurum tanımayib: “Oradan biz kimi gətirmişik? Pulumuz olsaydı, özümüz xərcləyərdik. Bunların dərisini o qədər dartıblar ki. Artıq o, ağlını çaşdırıb. Onun teatrından bizə Valeh adlı aktyor müraciət etdi. Ona da rejissor dedi ki, sənin ampulanda bizdə 4-5 aktyor var.

O, da çıxıb getdi. İndiki aktyorlar müqavilə ilə 4-5 teatrda işləyir. Fuad Poladov kimi aktyor Rus Dram, Akademik Teatr və başqa teatrlarda oynayır. Əgər aktyor istedadlıdırsa, onun üçün hər yerdə “yaşıl işıq” yanır. Ümumiyyətlə, belə bir teatr varmı? Hiss olunmur ki, belə bir teatr var. Amaliya xanım özündən incisin. Bunlar mənim dövrümdə olmayıb”.

M.Bünyadov Amaliya Pənahovanı teatra direktor olmaq istəməkdə də günahlandırıb: “Məlik Dadaşov, Şəfiqə Məmmədova, Amaliya Pənahova getdi. Onların hamısı müdir olmaq istəyirdi. Elə bu iddia ilə də Akademik Milli Dram Teatrının hörmətini aşağı saldılar. Həsən Turabov da müdir oldu. Teatrın sütunu isə bu adıçəkilən adamların üstündə qurulmuşdu. Silkələnmə yarandı. Teatrın özünə gəlməsi üçün baza lazımdır”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]