BolgeXeber.Com » Analitika » Komitə sədrindən müdhiş maxinasiya

Komitə sədrindən müdhiş maxinasiya

6-11-2013, 15:15

Oxunub: 3 816

Komitə sədri Heydər Əliyev Mərkəzinin tikintisinə yardım adı altında işçilərinin 3 aylıq əmək haqlarını kəsib

Dövlət Əmlakının İdarəedilməsi Komitəsinin sədri Kərəm Həsənovla bağlı yeni məlumatlar ortaya çıxıb. Daha doğrusu, bu dəfə də onun həyata keçirdiyi müdhiş maxinasiyalardan biri ilə bağlı informasiyalar yayılıb.

Jam.az-a daxil olan məlumata görə, komitə sədrinin bu dəfəki maxinasiyası Heydər Əliyev Mərkəzinin tikintisi ilə bağlıdır. İddialara görə, Kərəm Həsənov mərkəzin tikintisi zamanı rəhbərlik etdiyi komitənin bütün işçilərinin əmək haqlarını 3 ay verməyib. Hal- hazıra qədər də işçilər həmin 3 aylıq əmək haqlarını ala bilməyiblər. Səbəb kimi isə Heydər Əliyev Mərkəzinin inşa edilməsinə maddi yardımın edilməsi göstərilib.

Məlumatda o da vurğulanır ki, Kərəm Həsənov həmçinin bu məqsədlə komitədə alınan pulların miqdarını da artırıb. Belə ki, o, özəlləşdirmədən tutmuş adi arayışa qədər hər şey üçün alınan pulların artırılmasını işçilərindən tələb edib. Və bu artımı da yenə də mərkəzin tikintisi ilə əlaqələndirib.

Məsələ ilə bağlı qarşı tərəfin də mövqeyini dərc etməyə hazırıq.

Çox Oxunanlar