Bizimlə əlaqə | Reklam
BolgeXeber.Com » Ölkə » Gəncə Dövlət Universitetinin rektoru rektoru Elmar Vəliyevə qarşı

Gəncə Dövlət Universitetinin rektoru rektoru Elmar Vəliyevə qarşı

5-03-2015, 13:51
Oxunub: 8 291 Gəncə Dövlət Universitetinin rektoru rektoru Elmar Vəliyevə qarşıYusif Yusifzadə Gəncənin icra başçısının əleyhinə məlumatlar yaydırır

Gəncə Dövlət Universitetinin (GDU) rektoru Yusif Yusifzadənin Gəncənin icra başçısı Elmar Vəliyevə qarşı kampaniya apardığına dair iddialar gündəmə gəlib. JAM.AZ xəbər verir ki, artıq bunu təsdiqləyəcək bir neçə dəlil də ortaya çıxıb.

Verilən məlumata görə, Yusif Yusifzadə onun haqqında mətbuatda çıxan məlumatların Elmar Vəliyev tərəfindən ötürüldüyündən şübhələnib. Daha sonra ətrafındakı adamları onu daha da qızışdıraraq, Gəncənin icra başçısının onunla yanaşı, həm də Maliyyə nazirinin müavini olan qardaşı Cavanşir Yusifovla da düşmənçilik edərək, onları nüfuzdan salmağa çalışdığına inandırıblar.

Jam.az xəbər verir ki, GDU-nun rektoru bu deyilənlərdən sonra Elmar Vəliyevlə üz-üzə gəlmədən, ona qarşı «mübarizə»yə başlayır. Və qısa müddətdə Gəncəbasarda nəşr olunan yerli qəzetlərdən birində icra başçısının əleyhinə olduqca ciddi ittihamlarla dolu yazı peyda olur. Lakin Yusif Yusifzadə burada bir məsələdə səhvə yol verir ki, həmin qəzetin bir səhifəsində özünün müsahibəsini verdirdiyi halda, digərində Elmar Vəliyevin əleyhinə məqalə yerləşditdirir.

Onu da bildirək ki, bu proses əyalət qəzetləri ilə yekunlaşmır. Həmçinin proses ölkənin nüfuzlu sayt və qəzetlərinə də sirayət edir. Hətta iş o yerə çatır ki, rektor Gəncənin icra başçısının özü ilə yanaşı, oğlu ilə də bağlı məlumatların dövriyyəyə buraxılmasına yardımçı olur. Vəziyyətdən xəbərdar olan Elmar Vəliyevin uzunmüddətdir susqun dayanmasının səbəbi məlum deyil. Ehtimal olunur ki, Vəliyev hücum ərəfəsindədir və onun atacağı addım Yusif Yusifzadənin karyerasının sonunu gətirəcək.

Bu əsnada, GDU-da çox qəribə hadisələrin də baş verdiyi vurğulanır. Daxil olan məlumatlara görə, Yusif Yusifzadə bu yaxınlarda Antaliyada səfərdə olarkən qəfil Gəncəyə qayıdıb. Hələlik məsələnin səbəbləri məlum deyil.

Tərəfləri də dinləməyə hazırıq.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]