BolgeXeber.Com » Ölkə » 93 saylı Uşaq bağçasında böyük problem - FOTOLAR

93 saylı Uşaq bağçasında böyük problem - FOTOLAR

18-03-2015, 12:07

Oxunub: 26 583

Yenicə təhvil verilmiş bağçanın su xətti partladı, yaşayış binasını su basdı

Dünən Yasamal rayonunda yerləşən 93 saylı uşaq bağçasında su xəttinin partlaması nəticəsində Mirəli Seyidov küçəsi 147 ünvanda yerləşən yaşayış binasının zirzəmisini su basıb. Bina sakinləri baş verənlərdən təlaşa düşüblər.

"Azərsu" ASC-nin əraziyə təhkim etdiyi əməkdaşları iş və qeyri-iş saatları ərzində zirzəmidən suyun daşınmasına çalışıblar. Problemin həlli üçün bağçaya və yaşayış binasına içməli suyun verilməsi dayandırılıb.

"Azərsu"nun əməkdaşları "Bizim Yol"a bildirdilər ki, Bakı Şəhər İcra Hakimiyyəti tərəfindən ötən il yenicə istifadəyə verilən uşaq bağçasında su xətləri yenisi ilə əvəz edilməyib. Bakı Şəhər Məktəbəqədər Təhsil Müəssisələri və Uşaqlar Evləri İdarəsinin nəzdində uşaq bağçasına içməli suyun verilməsi isə yaxın günlərdə mümkün deyil.

Belə ki, problemin aradan qaldırılması üçün işlər bu həftənin sonuna qədər davam edəcək. Bundan sonra bağçaya və yaşayış binasına içməli suyun verilməsi bərpa olunacaq. Onu da bildirək ki, binanın zirzəmisini su basması nəticəsində zirzəmidə fəaliyyət göstərən iaşə obyektlərinə ciddi zərər dəyib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]