BolgeXeber.Com » Ölkə » Şamaxılı idman ustası prezident İlham Əliyevə yerli məmurlardan şikayət etdi

Şamaxılı idman ustası prezident İlham Əliyevə yerli məmurlardan şikayət etdi

30-03-2015, 11:18
Oxunub: 5 076 Şamaxılı idman ustası prezident İlham Əliyevə yerli məmurlardan şikayət etdi Qədim məzarlığı kimlər və niyə dağıdır?

Şamaxı rayon Göylər kənd sakini, Azərbaycan Respublikasinin idman ustası, YAP-ın üzvü Togrul Salahov yaşadığı kənddəki problemlərlə bağlı ölkə rəhbərliyinə müraciət ünvanlanıb. Bir nüsxəsi də Dia.az-a daxil olan müraciətin mətnində deyilir:

“Şamaxı rayonunun Göylər kəndinin İcra nümayəndəsi İxtiyar Xəlilov və kənd bələdiyyəsinin sədri Nəbi Nəbiyevin özbaşinaligi daha bizləri bezdirib. Bu yerli məmurlar kəndin qayğısına qalmırlar, ancaq öz ciblərini fikirləşilər.

Həmin yerli məmurlar kəndin əkin yerlərini özələşdirib satdıqları bəs deyilmiş kimi, artıq tarixi bir məzarlığımızın məzar daşlarını sındıtdıraraq həmin yerləri satmağa başlayıblar. Artıq həmin yerlərdə bir necə ticarət obyektləri və yaşayış evləri də tikilib, məzarların üstündə.

Həmin məzarlığın yaşı 16-17-ci əsrlərə gedib cıxır, 1918-ci ildə erməni işğalçıları Şamaxıya hücum edərkən bizlərin köməyinə gələn Türk Qafqaz İslam ordusunun Şəhid olmuş əsgərlərinin məzarları da var.

Bu yerli məmurlar bizim tariximizi məhv edərək məzarlığı dağıdıb öz ciblərini doldururlar. İcra nümayəndəsi İxtiyar Xəlilov bildirir ki “mənə heç kim heç nə edə bilməz, mən pulumu verib öz işimi həll edəcəm, hara şikayət edirsiniz, edin”.

Rayon rəhbərliyi də bu özbaşinalığa göz yumur. Mən bu haqda Şamaxıda vətəndaşları qəbul edərkən baş prokuror, hörmətli Zakir Qaralov cənablarına da qəbulda demişəm və məktubla da müraciət etmişəm. Biz kənd sakinləri Cənab Prezidentdən kömək istəyirik”.

Yazıda iddia olunanlarla bağlı bütün maraqlı tərəfləri dinləməyə hazırıq...
Bolgexeber.com