Bizimlə əlaqə | Reklam
BolgeXeber.Com » Ölkə » İki qurumun təhvil-təslim davası: sakinlər sayğacsız qaldı

İki qurumun təhvil-təslim davası: sakinlər sayğacsız qaldı

31-03-2015, 09:40
Oxunub: 5 366 İki qurumun təhvil-təslim davası: sakinlər sayğacsız qaldı“Azərenerji” ASC-nin səlahiyyətlərinin “Azərişıq” ASC-yə verilməsi Abşeron sakinləri üçün əməlli-başlı problemə çevrilib

Arqument.az-ın məlumatına görə, iki qurum arasında təhvil-təslim prosesi getdiyindən sakinlər sayğacla təmin olunmayıb, xidmət müvəqqəti dayandırılıb.

Abşeron rayon sakini Murtuz Adıgözəlov əməkdaşımıza bildirib ki, hazırda heç bir evə sayğac qoyulmur: “Cənab Prezidentin sərəncamı ilə “Azərenerji”nin səlahiyyətləri “Azərişıq”a verildi. Təhvil-təslim iki ay davam etməlidir. Bu müddət ərzində biz sayğacsız qalmışıq, sənədləşmə də aparılmır. Heç bir qurum bunu öz öhdəsinə götürmür. İdarəyə getdikdə isə “gözləyin” deyirlər”.

Məlumata görə, təkcə Abşeron rayonu ərazisində 400-dən çox abonent var ki, sənədləri hazır olsa da, sayğacla təmin olunmayıb.

Məsələ ilə əlaqədar “Azərişıq” ASC-nin mətbuat xidmətini rəhbəri Tanrıverdi Mustafayev problemin, təhvil-təslim işlərinin yaxın vaxtlarda yekunlaşacağını bildirib.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]