BolgeXeber.Com » Ölkə » Qarabağ veteranı olan həkim «Tac İnşaatçı» MTK-nın əlində aciz qalıb-FOTOLAR

Qarabağ veteranı olan həkim «Tac İnşaatçı» MTK-nın əlində aciz qalıb-FOTOLAR

8-04-2015, 09:07

Oxunub: 10 493

Səyyarə Babayeva: «Bu şirkət dövlət başçısının fərmanlarını saymayaraq, mənim müəssisəmin hasarına bitişik 16 mərtəbəli bina tikir»

«Bu gün ölkədə dövlət başçısının 348 və 349 saylı fərmanlarına qətiyyən riyayət edilmir. Bununla bağlı etdiyim müraciətlərə də cavab verilmir və nəticəsiz qalmaqdadır». Bu sözləri JAM.AZ-a həkim-ginekoloq, Qarabağ veteranı, Zəngilan rayonundan qaçqın düşmüş Səyyarə Babayeva yazıb.

O bildirir ki, «Tac İnşaatçı» MTK tikinti normalarına riyayət etməməklə yanaşı, onun müəssisəsinin hasarına bitişik 16 mərtəbəli bina tikir. «FHN, Şəhərsalma Komitəsi və Abşeron İcra Hakimiyyəti bu şirktin apardığı tikinti işlərini dayandırmaq əvəzinə, ona şərait yaradır. Halbuki Prezident İlham Əliyevin fərmanları məhz qeyd etdiyim qurumlar tərəfindən icra olunmalıdır».

Səyyarə Babayeva yazır ki, etdiyi şikayətlərdən sonra Abşeron İcra Hakimiyyəti və FHN-in nümayəndələri tikinti aparılan əraziyə baxış keçiriblər. «Onlar da etiraf etdilər ki, tikinti normaları şirktət tərəfindən kobud şəkildə pozulub. Lakin buna baxmayaraq, heç bir tədbir görmədilər».

Qarabağ veteranı olan həkim genekoloq dövlət başçısından yardım istəyir və «Tac İnşaatçı» MTK-nın qanunsuz tikinti işlərini dayandırması tədbir görülməsini xahiş edir.

Qarşı tərəfi də dinləməyə hazırıq.
BOLGEXEBER.COM

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]