BolgeXeber.Com » Ölkə » DSMF: Vətəndaş daha yerli sosial müdafiə orqanına gəlməyəcək

DSMF: Vətəndaş daha yerli sosial müdafiə orqanına gəlməyəcək

8-04-2015, 17:44

Oxunub: 6 641

“Məqsəd vətəndaş-məmur təmaslarını aradan qaldırmaqdır”

Azərbaycanda məcburi dövlət sosial sığorta haqları hesabına ödənilən müavinətlərin ödənişi avtomatlaşdırılır

Bu barədə Azərbaycan Respublikası Dövlət Sosial Müdafiə Fondunun sədr müavini Zakir Babayev bildirib.

Onun sözlərinə görə, ödənişi avtomatlaşdırılacaq müavinətlərə əmək qabiliyyətinin müvəqqəti itirilməsinə görə, hamiləlik və doğum, uşağın anadan olmasına görə birdəfəlik müavinət, uşağa qulluqla əlaqədar olan müavinət və dəfn üçün müavinətdir.

“Bu müavinətlərin hamısı bu gün bizim əsas tərəfdaşlarımız olan sığorta edənlər, yəni, işəgötürənlər tərəfindən hesablanır. Biz onlardan bütün sənədləri elektron qaydada qəbul etməyi planlaşdırırıq.

İşəgötürənlər müavinətləri özləri təyin edirlər. Bu məqsədlə onlarda müavinətlərin təyin olunması barədə komissiyalar yaradılıb. Bu komissiyaların protokolu ilə təyin olunmuş müavinətlər elektron qaydada, bütün sənədlərlə birlikdə Dövlət Sosial Müdafiə Fondunun yerli orqanlarına ötürülür. Burada isə həmin müavinətlərin avtomatlaşdırılmış qaydada ödənişi həyata keçirilir”, - deyə, o qeyd edib.

Z.Babayev bildirib ki, həyata keçirilən tədbirlərin məqsədi vətəndaş-məmur təmaslarını aradan qaldırmaqdır.

“Vətəndaş daha yerli sosial müdafiə orqanına gəlməyəcək. Misal üçün, avtomatik olaraq sığorta edən nəzərdə tutulan müavinəti protokollaşdırılacaq, sənədləşdiriləcək və Dövlət Sosial Müdafiə Fondunun yerli orqanına təqdim edəcək, qurmun yerli orqanı isə həmin məbləği vətəndaşın kassa hesabına köçürəcək”.
oxu.az

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]