BolgeXeber.Com » Ölkə » Ucarda anadangəlmə əlil hərbi xidmətə aparıldı- ŞOK İDDİA

Ucarda anadangəlmə əlil hərbi xidmətə aparıldı- ŞOK İDDİA

13-04-2015, 09:58

Oxunub: 3 963 Ucarda anadangəlmə əlil hərbi xidmətə aparıldı- ŞOK İDDİA

"Hansı ordunun 48 kilo çəkisi olan xəstə gəncə ehtiyacı ola bilər axı?”

Ucar rayon sakini Gülşən Ağaysa qızı Quliyeva mətbuat vasitəsi ilə ölkə rəhbərliyinə müraciət edərək kömək istəyib. BOLGEXEBER.COM xəbər verir ki, Quliyeva Səfərbərlik və Hərbi Xidmətə Çağırış üzrə Dövlət Xidmətinin Ucar rayon şöbəsinin rəisi, polkovnik-leytenant Həbib Əliyevdən şikayət edib.

”Övladım Əhliman Qəhrəman oğlu Quliyev 1997-ci il təvəllüdlüdür və anadangəlmə əlildir. O, Əmək və Əhalinin Sosial Müdafiəsi Nazirliyinin Tibbi-Sosial Ekspert Komissiyasından 2006-cı ildə keçərək, artıq 9 ildir rəsmən əlil kimi sosial müavinat alır. Anadangəlmə əlil olan övladımı Ucar rayonunda hərbi həkim komissiyasında hərbi xidmətə yararlı kimi yazaraq, hərbi xidmətə göndəriblər. Hansı qanunda yazılıb ki, xəstə və əlil əsgər getsin? Azərbaycan hərbsində rəsmən əlil olan insan hazırda hərbi xidmət çəkir. Hansı ordunun 48 kilo çəkisi olan xəstə gəncə ehtiyacı ola bilər axı?”-deyə əlilin anası Modern.az vasitəsilə ünvanladığı şikayət məktubunda bildirib.

G.Quliyeva bildirib ki, onun oğlu hərbi xidmət çəkməyə yararsızdır, bir ayağa yerə çatmır.

”Bir ana kimi cənab Prezidentə yalvarıram, övladımı ölməyə qoymayın. Cənab müdafiə naziri Zakir Həsənov, xahiş edirəm əlil övladımı mənə qaytarın. Müdafiə Nazirliyinin Hərbi Hospitalında təkrar komissiya təşkil edilsin.
Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimovdan da xahiş edirəm, bu başabəla polkovnik-leytenantınızı işdən azad edin və həkim komissiyalarınızın fəaliyyətinə ciddi fikir verin ki, neçə-neçə anaların gözü yaşlı qalmasın.

Xanlar Vəliyev xahiş edirəm bu qanunsuzluğa hərbi prokror kimi göz yummasın”.

Çox Oxunanlar