Bizimlə əlaqə | Reklam
BolgeXeber.Com » Ölkə » Avropa Oyunları ilə bağlı məktəb şagirdlərindən pul yığılır

Avropa Oyunları ilə bağlı məktəb şagirdlərindən pul yığılır

18-04-2015, 12:17
Oxunub: 5 708 Avropa Oyunları ilə bağlı məktəb şagirdlərindən pul yığılırTəhsil Nazirliyi məsələyə münasibətini bildirdi

Son günlər bəzi təhsil müəssisələrində bu və ya digər adlar altında vəsait yığılması ilə bağlı müxtəlif yazılar və ya kommentlər gedir. Bəzən şayiə effekti doğuran bu cür məlumatlar bilərəkdən ictimai müzakirələrə sızdırılır və mahiyyət tam aydın olmur.

Hər hansı təhsil müəssisəsində vəsait toplanması halı varsa, bununla bağlı anonim yox, adlı müraciət edilsin və nəticəsi olmazsa, o zaman bunu müzakirəyə çıxartmaq olar.

BOLGEXEBER.COM apa-ya istinadən xəbər verir ki, bunu Təhsil Nazirliyinin İnformasiya şöbəsinin müdir müavini Cəsarət Valehov deyib.

Onun sözlərinə görə, belə hallar varsa, bu, tamamilə qanunsuzdur və təhsil mühitinə ziddir.

C.Valehov qeyd edib ki, bu xoşagəlməz hal bəzi media orqanlarında qeyd edildiyi kimi, Avropa Oyunları adı altında edilirsə, bu, nəinki qanunsuzluq, həm də mənəviyyatsızlıq və belə mötəbər tədbirin nüfuzuna kölgə salmaq cəhdidir:

“Bir daha bildiririk ki, belə qanunsuz əməllərlə bağlı əsaslı informasiyası olan şəxslər Təhsil Nazirliyinin 146-1 qaynar xəttinə və hüquq mühafizə orqanlarına müraciət edə bilərlər”.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]