Bizimlə əlaqə | Reklam
BolgeXeber.Com » Ölkə » Tədris-terapevtik klinikasında xəstələri soyurlar - ŞİKAYƏT

Tədris-terapevtik klinikasında xəstələri soyurlar - ŞİKAYƏT

25-04-2015, 15:43
Oxunub: 4 763 Tədris-terapevtik klinikasında xəstələri soyurlar - ŞİKAYƏTAzərbaycan Tibb Universitetinin Tədris-terapevtik klinikası ölkədə ən bahalı xəstəxanalardandır

“Azərbaycan Tibb Universitetinin Tədris-terapevtik klinikası xəstələri soymaqla məşğuldur. Burada ən adi müayinənin qiyməti 50 manatdan başlayır. Xəstələrə yaxınları ilə görüşməyə icazə vermirlər. Guya xəstələrə yemək verirlər, bunu özlərinin reklam hadisəsinə çeviriblər. Amma cəmi bir həftə bu klinikada yatmaq kifayətdir ki, bir neçə min, hətta on min manatından keçməli olasan”.

Bununla bağlı informasiya editor.az-ın elektron ünvanına daxil olan şikayət məktubunda əksini tapıb.

Səyyar Babayev adlı şikayətçi bildirir ki, qardaşı leykoz xəstəliyindən əziyyət çəkirmiş:

“Klinikaya daxil olanda bizi əmin etdilər ki, qardaşınız ən qısa zamanda sağalacaq. İki aya yaxın klinikada yatdı. Onu o qədər kimya-terapiya etdilər ki, qaraciyəri dağıldı və komaya düşdü. Bir gün sonra dünyasını dəyişdi. İki ay ərzində bizimlə onun görüşünə imkan yaratmadılar. Bu müddətdə cəmi üç dəfə görüşümüz oldu. 15 min manat pulumuz çıxdı. Qardaşımın xəstə olduğunu eşidən kimi, onu həkimə apardıq. Ardınca da bu klinikaya yerləşdirdik. O zamandan bəri onun nə əməlli-başlı üzünü gördük, nə də sağalda bildik. Boş-boşuna pul xərclədik. Bəlkə də öz axarına buraxsaydıq, bir il yaşayardı. Bizi aldatdılar. Həm pulumuzu aldılar, həm də qardaşımızı”.

Qeyd edək ki, Azərbaycan Tibb Universitetinin Tədris-terapevtik klinikası ölkədə ən bahalı xəstəxanalardandır.

Azərbaycan Tibb Universitetinin rektoru Əhliman Əmirəslanova məxsus olduğu deyilən klinikada adi böyrək daşlarının çıxarılması bir neçə min manata, ürək stendlərinin qoyulması 3-4 min manata həyata keçirilir.

Editor.az məsələyə Azərbaycan Tibb Universitetinin Tədris-terapevtik klinikasının özündən münasibət öyrənmək istəsə də, qurumun mətbuata məsul şəxsi olmadığına görə, buna nail ola bilmədi.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]