BolgeXeber.Com » Ölkə » Bərdədə Heydər Əliyevin anadan olmasının 92-ci ildönümünə həsr olunmuş tədbir keçirilmişdir FOTO

Bərdədə Heydər Əliyevin anadan olmasının 92-ci ildönümünə həsr olunmuş tədbir keçirilmişdir FOTO

7-05-2015, 12:57

Oxunub: 4 297

Bərdədə Akademik Zərifə Əliyeva adına texniki təmayüllü məktəb-liseydə tədbir keçirilmişdir

6 may 2015-ci il tarixdə Bərdə şəhər Akademik Zərifə Əliyeva adına texniki təmayüllü məktəb-liseydə Gənclər və İdman idarəsinin və məktəbin birgə təşkilatçılığı, məktəb kollektivinin iştirakı ilə Ümummilli lider Heydər Əliyevin anadan olmasının 92-ci ildönümünə həsr olunmuş tədbir keçirilmişdir. Tədbiri giriş sözü ilə məktəb-liseyin direktoru Vidadi Süleymanov açaraq Ulu Öndərin gənc nəslin bilikli, savadlı, bacarıqlı, vətənpərvər böyümələri üçün gördüyü işlərdən və imzaladığı sərəncamlardan danışdı. Daha sonra Gənclər və İdman idarəsinin rəisi Anar Şahbazov çıxış edərək şagirdlərə ümummilli liderin keçdiyi şərəfli həyat yolundan, onun Azərbaycan xalqı qarşısındakı tarixi xidmətlərindən, Azərbaycan gəncliyinin hərtərəfli inkişafı üçün çəkdiyi titanik zəhmətindən açaraq, təməli ulu öndər Heydər Əliyev tərəfindən qoyulan Dövlət Gənclər Siyasətinin bu gündə ölkə Prezidenti cənab İlham Əliyev tərəfindən uğurla davam etdirilməsinidən və gənclərin qarşısında duran vəzifələrdən danışdı. Daha sonra şagirdlər tərəfindən hazırlanmış dahi şəxsiyyətin həyat və əmək fəaliyyətini əks etdirən videoçarx iştirakçılara təqdim olundu . Tədbirin sonunda məktəb şagirdlərinin ifasında vətənpərvərlik mövzusunda hazırlanmış ədəbi-bədii musiqili kompozisiyalar nümayiş etdirildi.
BOLGEXEBER.COM

Çox Oxunanlar