BolgeXeber.Com » Ölkə » Xətai Dövlət Yol Polisi şöbəsinin rəisi haqda şok məlumat - “avtoş” yarışmaları təşkil edir

Xətai Dövlət Yol Polisi şöbəsinin rəisi haqda şok məlumat - “avtoş” yarışmaları təşkil edir

15-05-2015, 14:56

Oxunub: 6 228 Xətai Dövlət Yol Polisi şöbəsinin rəisi haqda şok məlumat - “avtoş” yarışmaları təşkil edir

Əsasən məmur övladlarından ibarət “yarışmaya” Xətai rayon Dövlət Yol Polisi şöbəsinin rəisi Vüqar Hüseynov şəxsən özü tamaşa edir

BOLGEXEBER.COM bildirir ki,editor.az-ın elektron ünvanına Xətai rayon Dövlət Yol Polisi şöbəsinin qanunsuz fəaliyyəti ilə bağlı maraqlı informasiya daxil olub.

Zahid Ağayev adlı şikayətçi bildirir ki, hər gün axşam yol polisi əməkdaşlarının iştirakı ilə bir qrup “avtoş” rayonun “Zığ yolu” adlanan ərazisində maşın yürüşü keçirir.

Əsasən məmur övladlarından ibarət “yarışmaya” Xətai rayon Dövlət Yol Polisi şöbəsinin rəisi Vüqar Hüseynov şəxsən özü tamaşa edir:

“Hətta elə olur ki, Vüqar Hüseynovun özü də bu “yarışmalarda” iştirak edir. Buna etiraz edənlərə qarşı isə çox sərt münasibət göstərilir. Həmin zaman yola verilən şikayətçilərin maşın nömrələri götürülür. Vüqar Hüseynovun şəxsən tapşırığı ilə Xətai rayon yol polisi əməkdaşları tərəfindən təqib edilir. Ən xırda nöqsan aşkarlanan kimi, onları məsuliyyətə cəlb edirlər. Əsasən bu işlə Xətai DYP-nin İsmayıl adlı əməkdaşı məşğul olur. O, “Babək” prospekti ilə “Təbriz” küçəsinin kəsişməsində etirazçı sürücüləri saxlayır, onlarla qanuni müstəvidə danışır. Şikayətçiyə cərimə yazdıqdan sonra ona “Vüqar müəllimə qarşı çaşmısan, ona görə, cavabını aldın” deyərək, acıq verir”.

Şikayətçi bildirir ki, məsələ ilə bağlı Dövlət Yol Polisi İdarəsinin rəisi Ramiz Zeynalova və Bakı şəhər DYP-sinin rəisi Nurşirəvan Muxtarova dəfələrlə şikayət etsə də, ona heç bir cavab verilməyib.

Xətai DYP-sinin rəisi Vüqar Hüseynov açıq şəkildə deyir ki, “Mən Respublika “QAİ”sindən bura təyinat almışam. Heç kimi hərləmirəm, get kimə istəyirsən de. Yarışı mən keçirirəm, qanunsuz da olsa mən keçirirəm, qanuni də”.

Editor.az məsələyə Dövlət Yol Polisi İdarəsi İctimaiyyətlə Əlaqələr şöbəsinin müdiri, polkovnik Kamran Əliyevdən münasibət öyrənmək istəsə də, onunla əlaqə yarada bilməyib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]