Bizimlə əlaqə | Reklam
BolgeXeber.Com » Ölkə » Sabir Rüstəmxanlı: "Bələdiyyələr icra hakimiyyətlərinin əlaltısıdır"

Sabir Rüstəmxanlı: "Bələdiyyələr icra hakimiyyətlərinin əlaltısıdır"

27-05-2015, 12:16
Oxunub: 6 744 Sabir Rüstəmxanlı: "Bələdiyyələr icra hakimiyyətlərinin əlaltısıdır""Prezidentin dediyi kimi, ölkəmizdə bələdiyyələr fəaliyyətsiz bir quruma çevriliblər. Onlar faktiki olaraq icra hakimiyyətlərinin əlinin altında ikinci dərəcəli, gərəksiz bir qurum kimi fəaliyyət göstərir"

Bunu azvision.az-a açıqlamasında millət vəkili Sabir Rüstəmxanlı deyib. Deputatın sözlərinə görə, bələdiyyələrin inkişafı üçün köklü dəyişikliklərə ehtiyac var.

"Bələdiyyələr haqqında qanunlar təkmilləşdirilir, yeni qanunlar qəbul edilir. Bunlara baxmayaraq, bələdiyyələrin fəaliyyəti gözə görünmür. Gərək əvvəlcədən bələdiyyə institutları olardı, onun əsasında formalaşardı, bizdə köhnə idarəçilik sistemindən onların adı dəyişdi, amma icra mexanizmi qalır. Bələdiyyələr hələ ki, öz yerini tapmayıb. Dünyanın müxtəlif ölkələrində valilik var, orada rəhbər olan valilər prezidentin həmin yerlərdə nümayəndəsidir. Daha çox onlar işləri yerinə yetirir. Amma təsərrüfat işləri, iqtisadiyyat işləri qəsəbənin, şəhərin idarə olunması bunlar hamısı bələdiyyələrin işidir. Bizdə o bölgü yoxdur. Ona görə də çox çətindir".

Qeyd edək ki, prezident İlham Əliyev mayın 20-də keçirdiyi iclasda bələdiyyələrin fəaliyyətindən də söz açıb. Ölkə başçısı bələdiyyələrin fəaliyyətindən narazılığını bildirib.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]