BolgeXeber.Com » Ölkə » 37 saylı TSEK-də əlilliyin “qiymət tası” açıqlandı: Müslümova müraciət olundu
37 saylı TSEK-də əlilliyin “qiymət tası” açıqlandı: Müslümova müraciət olundu
2-06-2015, 12:09
Oxunub: 5 649
Beyləqan və Füzuli rayonları üzrə 37 saylı Tibbi Sosial-Ekspert Komissiyasından şikayət var
TSEK sədri Leylan Nəsirovanın fəaliyyətindən narazılıq edənlər dia.az-a məlumat verib. Bildirilir ki, sözügedən TSEK-də hədsiz özbaşınalıqlar hökm sürür.
Vətəndaşların əlillik dərəcəsi alması üçün xüsusi “tariflər cədvəli” təyin olunub. Elə bunun nəticəsidir ki, saxta əlillik dərəcələrinin sayı durmadan artır. Ümumiyyətlə Beyləqan və Füzuli rayonları üzrə 37 saylı TSEK-in yarıtmaz fəaliyyəti mütəmadi olaraq bu rayonların sakinlərinin narazılıqlarını doğurmaqdadır. TSEK-in əməkdaşları bir çox hallarda əmək qabiliyyətini itirən şəxslər barəsində əlillik dərəcəsinin təyin edilməsində süründürməçiliyə yol verirlər.
Hər dəfə bir bəhanə ilə əlillik dərəcəsi almaq istəyən şəxslərin tələbləri yerinə yetirilmir. Bunun müqabillində isə məlumatlarda 37 saylı TSEK-də vətəndaşlardan əlillik dərəcələrinin verilməsi üçün külli miqdarda rüşvət istənildiyi bildirilir. Bu işlərin başında L.Nəsirovanın durduğu iddia edilir.
I qrup əlillik dərəcəsi almaq üçün minimum 1500 manat, II qrup üçün 1000 manat, III qrup üçün isə 800 manat rüşvət tələb olunur. Həmçinin əlavə edilir ki, pulu olmayan və fiziki qüsurlu şəxslərin əlillik dərəcəsinin verilməsi prosesi həyata keçirilmir.
Leylan Nəsirova özünün saxtakarlığından və korrupsiya əməllərindən əl çəkmək istəmir. Azərbaycan qanunları bu TSEK-də işləmir. Artıq 37 saylı TSEK-də vəziyyət dözülməz hal alıb. Əmək və Əhalinin Sosial Müdafiəsi Nazirliyindən L.Nəsirovanın əməllərinə son qoyulması xahiş edilir.
BOLGEXEBER.COM
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər