BolgeXeber.Com » Ölkə » Bakıda dönərin qiyməti göz bərəldir - 12 manata (FOTO)

Bakıda dönərin qiyməti göz bərəldir - 12 manata (FOTO)

3-08-2015, 21:18

Oxunub: 8 473

Bakıda dönər dələduzluğu

Bolgexeber.com xəbər verir ki, Bakıda fəaliyyət göstərən "Kasap Döner Bakü" restoranında lavaşda bir dönər yeyən şəxs buna görə 12 manat ödəyib. "Report"un məlumatına görə, bu qiymət sosial şəbəkələrdə narazılıq doğurub.

Qəbzin fotosunda 2 lavaş arası, 4 çörək arası dönər və 1 "Coca-cola" içkisi sifariş edən şəxsin ümumilikdə 49 manat 75 qəpik ödədiyi görünür. Bakıda dönərin qiyməti göz bərəldir - 12 manata (FOTO)

"Kasap Döner Bakü" restoranından sosial şəbəkələrdə yayılan qəbzin onlara aid olduğu təsdiqlənib: "Bizim restoranda normal, standart dönərin qiyməti 3 manatdır. Sadəcə, kafenin qaydalarına görə, müştəri istəyi nəzərə alınmaqla ətin ölçüsü dəyişir. Qəbul olunan standartlara görə, adi yerlərdə satılan dönərlərin içərisində olan ətin çəkisi 50-60 qram arasındadır".

Qiymətlərin belə baha olmasının səbəbinə gəlincə, restorandan burada şəraitin yüksək olması, bütün içliklər, sous və mayonezlərin Türkiyədən sifarişlə gətirilməsi ilə izah edilib: "Azərbaycandan isə yalnız ət alınır. Təzə dana ətindən dönər hazırlanır. Digər dönərlərdən fərqli olaraq bizdə yalnız yarpaq ətdən istifadə olunur. Qiymətlər də məhz buna görə təyin olunub. Sosial şəbəkələrdə yayılan qiymət isə içərisində 200 qram ət olan dönərin qiymətidir".

Azad İstehlakçılar Birliyinin (AİB) sədri Eyyub Hüseynov isə deyib ki, Azərbaycanda dönərlərin hazırlanması üçün standartlar müəyyənləşdirilib: "Əsas tələb odur ki, dönərin içi standartlara, normalara uyğun hazırlansın. Eyni zamanda, ətin və dönəri hazırlamaq üçün lazım olan tərkibin miqdarı əvvəlcədən müəyyən olunub. Qiymətləri qanunsuz olaraq artırmaq yolverilməzdir. Bunu edən də işi qeyri-qanuni edir. Azərbaycan Prezidenti dəfələrlə süni artırılan qiymətlər barədə tapşırıqlar verib. Bu məsələni ictimailəşdirib dövlət qurumları ilə birlikdə qabaqlayıcı tədbir görmək lazımdır".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]