BolgeXeber.Com » Ölkə » Zərdabda diplomu olmayan şəxsi vəzifəyə gətirmək istəyirlər

Zərdabda diplomu olmayan şəxsi vəzifəyə gətirmək istəyirlər

11-08-2015, 18:40

Oxunub: 969 Zərdabda diplomu olmayan şəxsi vəzifəyə gətirmək istəyirlər

Poçt müdirliyindən çıxarılan Şəmsi Əhmədovu Romil Nəcəfovun əvəzləyəcəyi gözlənilir

Hələ bir müddət əvvəl xəbər vermişdik ki, Zərdab Poçtamtında durum yaxşı deyil. Bununla bağlı edilən şikayətlərdə sabiq müdir Şəmsi Əhmədovun külli miqdarda yeyintiyə yol verdiyi iddia olunurdu. Hətta ortada qapı məsələsinin varlığı barədə də bilgilər verilirdi.

Bu gün məlum olub ki, Zərdab Poçtunun müdiri Şəmsi Əhmədov bir neçə gün əvvəl işdən azad edilib. Onun yerinə isə Romil Nəcəfovu gətirmək istəyirlər. JAM.AZ-a verilən məlumata görə, heç bir ali təhsili olmayan Romil Nəcəfovu Poçta müdir gətirmək istəyən elə rayonun icra başçısı Lütfəli Babayevdir.

Poçtda çalışan şəxslərin verdiyi məlumatda vurğulanır ki, Romil Nəcəfov həmin vəzifəyə keçmək üçün özünə diploma axtarır. «Romil Nəcəfov əvvəllər Hərbi Komissarlıqda çalışıb və heç də yaxşı reputasiyaya malik deyil. Onun Zərdab Poçtuna rəhbər gətirilməsi isə icra başçısının istəyidir».

Qarşı tərəfi də dinləməyə hazırıq.
Bolgexeber.com

Çox Oxunanlar