BolgeXeber.Com » Ölkə » Sabiq rəis icra başçısından prezidentə şikayət etdi

Sabiq rəis icra başçısından prezidentə şikayət etdi

1-09-2015, 15:38

Oxunub: 3 412 Sabiq rəis icra başçısından prezidentə şikayət etdi

Ehtiyatda olan polkovnik, Azərbaycan Müdafiə Nazirliyinin Hərbi Polisinin keçmiş rəisi Rövşən Məhərrəmov prezident İlham Əliyevə və millət vəkili Mehriban Əliyevaya şikayət məktubu göndərib. Hərbçi məktubunda ona qarşı ədalətsizliklərin olduğunu, Sabunçu Rayon İcra Hakimiyyətinin başçısı Adil Vəliyev tərəfindən qanuni torpağının zəbt edildiyini bilidirir.

Musavat.com-un məlumatına görə, müraciətdə deyilir: “Mən uzun illər Azərbaycan Müdafiə Nazirliyində yüksək vəzifələrdə xidmət aparmışam.
I Qarabağ savaşının iştirakçısı kimi bir çox döyüşlərdə iştirak etmiş, Vətənimizin düşməndən azad olunmasında və dövlətçiliyimizin qorunmasında və möhkəmlənməsində xidmət göstərmişəm. Ömrümün 40 ilini hərbi xidmətə sərf etmişəm. Onun böyük hissəsini rəhbər şəxs olaraq çalışmışam (Hərbi hissə komandiri, Hərbi Polis İdarəsinin rəis müavini və rəisi). Bundan sonra da Vətənimizin və dövlətçilyimizin qorunmasına xidmət etmək kimi bir vəzifədə özümü borclu sayıram. Hər zaman Ali Baş Komandan kimi Sizin əmrlərinizi yerinə yetirməyə hazıram. Bu, həm də bir hərbçi olaraq mənim vəzifə borcumdur.
Cənab Ali Baş Komandan!
Sizə müraciət etməkdə məqsədim uzun müddətdir üzləşdiyim qanunsuzluqla bağlıdır. Belə ki, Sabunçu rayonu, Bakıxanov qəsəbəsi ərazisində mənə məxsus olan 6 sot torpaq sahəsi Sabunçu rayonu İcra Hakimiyyətinin başçısı Adil Vəliyev tərəfindən qanunsuz olaraq zəbt olunub. Ona dəfələrlə etdiyim müraciətlərə baxmayaraq, heç bir xahiş və tələbimə məhəl qoymayıb. Əksinə, torpağımı zəbt edən icra başçısı indi də onu yaxınlarının adına sənədləşdirərək, satışa çıxarıb. Mənim 10 illərlə, min bir əziyyətlə qazandığım pula aldığım torpaq sahəsini mənimsəyib, öz səlahiyyətlərini aşaraq hüquqlarımı kobud sürətdə pozub.
Bununla da mənim bir zabit kimi şəxsiyyətimə toxunub. Siz hər zaman hərbiçilərin yanında olmusuz, onların maddi-mənzil şəraitinin yaxşılaşdırılımasıyla yanaşı, həm də qürur hissinin qorunmasına xüsusi diqqət yetirmisiz. Adil Vəliyev isə ailəmin yaşadığı, Yasamaldakı mənzilimi satıb aldığım və 70 min manata yaxın pul xərclədiyim torpağı zor gücünə mənim əlimdən almaqla qüruruma toxunub. Mənim torpağımın torpaqlarımız üçün heç bir əziyyəti olmayan bir məmur tərəfindən işğalına dözmək çətindir. Biz işğal altındakı torpaqlarımızın azad edilməsi üçün ölməyə hazır adamlarıq. Bakıdakı torpaqlarımızı Adil Vəliyev kimi məmurdan isə yalnız siz azad edə bilərsiniz. Ümidimiz sizədir, cənab Ali Baş Komandan!
Sizə güvənərək bu işdə mənə yardım etməyinizi, icra başçısı Adil Vəliyevin bu qanunsuz əməllərinə son qoyulması üçün Sizdən xahiş edirəm”.
Bolgexeber.com

Çox Oxunanlar