BolgeXeber.Com » Ölkə » Sumqayıtdakı uşaq bağçalarından başçıya şikayət edildi

Sumqayıtdakı uşaq bağçalarından başçıya şikayət edildi

19-09-2015, 10:18

Oxunub: 738

49 saylı "Qovaqcıq" və 51 saylı "Buratino"nun rəhbərliyindən narazılıq var...

Sumqayıtdakı 49 saylı "Qovaqcıq" və 51 saylı "Buratino" uşaq bağçalarından şəhər icra hakimiyyətinə şikayət edilib. Belə ki, adıçəkilən bağçalarda pul tələbinə etiraz edən bir valideyn bu gün Şəhər İcra Hakimiyyətinə şikayətə gedib.

Əldə etdiyimiz məlumata görə valideynin inzibati binada hündürdən danışması və icra başçısı ilə görüşmək tələbini səsləndirməsi əməkdaşların əl-ayağa düşərək onu sakitləşdirməyə çalışamalarıyla müşayət olunub. İcra hakimiyyətinin İctimai-siyasi və humanitar məsələlər şöbəsinin baş məsləhətçisi Şüşə Aslanova şikayətçini qəbul edib və məsələni araşdıracağına söz verib.

Moderator.az - ın əməkdaşının araşdırmasına görə həmin bağçaların müdirləri şəhərdəki tanınmış şəxslərin yaxın qohumlarıdır. Belə ki, 49 saylı bağçanın Sahibə Ağayeva adlı müdiri icra başçısının, 51 saylı bağçanın müdiri Sevinc xanımsa təhsil nazirinin keçmiş müavini İsgəndər İsgəndərovun qohumudur.

Ümumiyyətlə, Sumqayıt bağçalarında xoşagəlməz hallara tez - tez rast gəlinir və bu istiqamətdə araşdırmalarımız davam edəcək...
Bolgexeber.com

Çox Oxunanlar