İcra hakimiyyəti ilə təhsil şöbəsi arasında qalmaqal
1-10-2015, 14:25
Oxunub: 2 716
Zərdab Rayon İcra Hakimiyyəti ilə Təhsil şöbəsi arasında qalmaqal yaşanıb
Aznews.az xəbər verir ki, qalmaqala səbəb İcra hakimiyyəti nümayəndələrinin Təhsil şöbəsinin müdiri Baba Babayevdən maliyyə sənədlərini tələb etməsi olub. B.Babayev sənədləri verməkdən imtina edib. Belə olan halda işə İcra hakimiyyətinin ictimai-siyasi məsələlər şöbəsinin müdiri Lalə Nuralıyeva qarışıb və sənədlərin verilməsini tələb edib. B.Babayev isə onların bu sənədləri istəməyə ixtiyarları olmadığını bildirib.
Məsələnin böyüməsi nəticəsində tərəflər bir-birini təhqir edib və telefonda nalayiq ifadələr işlədiblər.
L.Nuralıyevanın zəngindən sonra vəziyyəti pisləşən B.Babayev rayonun hüquq-mühafizə orqanlarından kömək istəyib. Şöbə müdiri onlara “başıma bir iş gəlsə günahkar Lalə xanımdır” - deyə bildirib.
Bundan sonra B.Babayevin vəziyyəti bir az da pisləşib. Hətta çağırılan həkimlərdən biri onun dünyasını dəyişdiyini söyləyib.
Amma az sonra məlum olub ki, onun şəkəri və təzyiqi qalxıb, buna görə huşunu itirib. 2 saatdan sonra ayılan B.Babayevi evinə aparıblar.
Sayt məsələni dəqiqləşdirmək üçün Zərdab Rayon Təhsil Şöbəsinin müdiri Baba Babayevlə əlaqə saxlayıb. O, sözügedən məsələ ilə bağlı danışmaq istəmədiyini bildirib.
Lalə Nuralıyeva isə B.Babayevə başqa məqsədlə zəng etdiyini deyib: “Həmin gün İcra hakimiyyətində iclas təyin edilmişdi. Biz ona həmin iclasda iştirakı ilə bağlı zəng etmişdik. Mənim maliyyə sənədlərini istəmək, ya da yoxlatmaq kimi bir səlahiyyətim yoxdur. Bizdə olan məlumata görə, həmin gün Baba müəllim xəstə olub”.
L.Nuralıyevanın sözlərinə görə, həmin gün İcra hakimiyətində Təhsil Nazirliyinin Zərdab rayonunda apardığı yoxlamanın nəticələrinə həsr olunmuş yığıncaq keçirilib.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər