BolgeXeber.Com » Ölkə » Deputatın anası haqqında ŞOK İTTİHAM

Deputatın anası haqqında ŞOK İTTİHAM

3-10-2015, 14:56

Oxunub: 1 310

"Nərimanov rayonunda yerləşən Pişəvəri adına Respublika Humanitar Fənlər Gimnaziyasının rəhbəri, deputat Ceyhun Osmanlının anası Xuraman Osmanova bu günlərdə hər müəllimdən 100 manat pul tələb edib"

Bu sözləri moderator.az-a verdiyi açıqlamada adının çəkilməsini istəməyən və övladı adıçəkilən gimnaziyada təhsil alan valideynlərdən biri deyib.

Valideynin sözlərinə görə, Xuraman Osmanova gimnaziyada təşkil olunmuş Valideyn Komitəsinin toplantısında bəyan edib ki, hansı şagird müəllimə pul versə, gimnaziyadan çıxarılacaq. Sonradan isə müəllimlərə deyib ki, hər biriniz direktora yüz, "zavuç"a 50 manat verməlisiniz. Müəllimlər məcburiyyət qarşısında qalaraq hər şagirddən 20-50 manat arası pul yığıb və direktorun haqqını çatdırıblar.

Məlumatı verən valideyn bildirib ki, məsələ çox ciddi narazılığa səbəb olub.

Valideynlər saytımız vasitəsilə təhsil naziri Mikayıl Cabbarovdan tədbir görülməsini xahiş edirlər.

Xatırladaq ki, təhsil naziri Mikayıl Cabbarovun əmri ilə Xuraman Osmanova Nərimanov rayonunda yerləşən Pişəvəri adına Humanitar Fənlər Gimnaziyasına ötən ay direktor təyin olunub.
Bolgexeber.com

Çox Oxunanlar