BolgeXeber.Com » Ölkə » Xocavənd Mərkəzi Xəstəxanasında korrupsiyaya kim "dur" deyəcək? - ŞİKAYƏT VAR

Xocavənd Mərkəzi Xəstəxanasında korrupsiyaya kim "dur" deyəcək? - ŞİKAYƏT VAR

5-10-2015, 11:05

Oxunub: 3 306 Xocavənd Mərkəzi Xəstəxanasında korrupsiyaya kim "dur" deyəcək? - ŞİKAYƏT VAR

Nurəngiz Bəşirovanı hər ayın sonunda Səhiyyə Nazirliyndə intizarla gözləyirlər

Xocavənd Mərkəzi Xəstəxanasının baş həkiminin Bakıda və digər rayonlarda evləri, villaları olduğu halda qaçqınlar üçün dövlət vəsaiti hesabına tikilmiş evlərdən ona necə pay düşür?;

Baş həkim Xocavənd Mərkəzi Xəstəxanasına müraciət edən xəstələri təcili yardım maşını niyə Beyləqan Mərkəzi Xəstəxanasına çatdırır? 200-dən artıq tibb personalının maaş kartını baş həkim niyə özündə saxlayır?...

Xocavənd Səhiyyə İdarəsi bəlkə də ölkənin ən çox şikayət olunan tibb ocağıdır desək, yəqin ki, yanılmarıq. Nurəngiz Bəşirovanın rəhbərlik etdiyi bu səhiyyə idarəsindən istər Səhiyyə Nazirliyinə, istərsə də digərdövlət qurumlarına hər ay onlarla şikayət ünvanlanır. Bu barədə AzMedianı məlumatlandıran mənbə bildirir ki, artıq xocavəndlilər Səhiyyə Nazirliyinə, şəxsən nazir Oqtay Şirəliyevə şikayət ünvanlamaqda yorulublar. Nazirliyn qaynar xəttinə zəncg etmək də heç bir evvfekt vermir. Şikayətlərə heç bir reaksiya verilmir.

Xocavəndlilər Səhiyyə Nazirliynin Xocavənd Mərkəzi Xəstəxanasında yaşanan anarxiya və özbaşınalıqlara, tibb personalının dəhşətli savadsızlığına və hər yerdə başalıb gedən layqeyd yanaşmasını baş həkim Nurəngiz Bəşirovanın “əliaçıqlığı” ilə əlaqələndirirlər. Artıq Xocavənddə hamı bilir ki, Nurəngiz Bəşirova Səhiyyə Nazirliyinə gedərkən qapıçıdan başlayaraq bütün nazirliyin əməkdaşlarına, şöbə müdirlərinə “hörmət” edir, ona görə də baş həkimdən nə qədər şikayət olsa da, ona heç kim bir söz demir. Xocavənd Mərkəzi Xəstəxanasında çalışanlar, (20-30 nəfərlik tibb personalının yarıdan çoxu baş həkimin qohumlarıdır), iftixarla danışırlar. Deyirlər ki, Nurəngiz xanımı nazirlikdə hamı intizarla gözləyir.

Buna baxmayaraq Nurəngiz xanımın“əliaçıqlığı” xocavəndlilərə aid deyil. O şiykaətçi xocavəndliləri prokuroarla, polislə hədələyir. Onun hədəsindən nəticə çıxara bilməyənlər isə bu hədəninin arzasının nə qədər real olduğunun canlı şahidləri olurlar. Nurəngiz Bəşirova üçün bu şəraiti isə Xocavənd rayon İcra Hakimiyyətinin başçsı Eyvaz Hüseynov təşkil edir. 25 ildən artıqdır ki, Eyvz Hüseynovun ən yaxın dostlarından hesab olunan Nurəngiz Bəşirovanın bu üzdən qılıncının dalı da, qabağı da kəsir.

AzMedia.info-nu məlumatlandıran mənbə bildirir ki, xəstəxanadan oğurlanan pullar baş həkimin gözünü o qədər tutub ki, artıq gözü ətrafı belə görmür. Dövlət xəstəxanasını öz şəxsi fərdi təsərrüfatı kimi idarə edən Nurəngiz Bəşirovanın hər il təkcə Avropanın bahalı istirahət mərkəzlərində bir neçə dəfə istirahətə 50 min dollardan artıq vəsait sərf elədiyi bildirilir. Bundan başqa Azərbaycanının turistik rayonlarında Nurəngiz Bəşirovanının villaları olduğu da qeyd olunur.

Qeyd edək ki, dövlət büdcəsindən Xocavənd Mərkəzi Xəstəxanasına kifayət qədər vəsait ayrılsa da, Xocavəndin tibb ocaqlarında ən adı tibb ləvazimatları, həmçinin dərman pereparatları tapılmır. Mənbəbildirir ki, baş həkim Nurəngiz Bəşirova həmin vəsaitləri sadəcəmənimsəyir. Bu üzdən də Xocavəndə xəstəxanalarına müraciət edən xəstələrin vəziyyətində azacıq dəyişiklik olan kimi baş həkim həmin xəstələri təcili yardım maşını ilə Beyləqan Mərkəzi Xəstəxanasına çatdırır. Çünki Xocavənd Mərkəzi Xəstəxanasında normal təcrübəyə malik olan həkim və tibb bacıları yoxdur. Mənbə qeyd edir ki, Beyləqanda onların xəstəxana işçilərinə gülürlər ki, heç olmasa, belə yüngül xəstələri özünüz müayinə edin də. Xəstəxanada müasir avadanlıqlar olsa da, avadanlıqlardan istifadə etməyi bacaran həkim yoxdur. Nurəngiz Bəşirova yüngül xəstələri özü qəbul edir və onlarrı bir neçə günlük xəstəxanada məcburi yatızdırır və xəstələr aidiyyatı olmayan dərmanları baş həkimə məxsus olan aptekdən almağa məcbur olurlar. Bir çox xəstələr isə baş həkimin hegomonluğundan, təhqirlərindən, pul tələb etməsindən boğaza yığılaraq xəstəxananı tərk etməyə məcbur olublar.

Mənbə qeyd edir ki, Xocavənd Mərkəzi Xəstəxanasının necə işləməsini bilmək üçün uzağa getmək lazım deyil, elə yaxınlıqda yerləşən Beyləqan və Füzuli xəstəxanalarına baş çəkmək kifayət edər. Orada bir neçə saat müşahidə aparmaqla nə qədər xocavəndlinin həmin xəstəxanalara müraciət etdiyini asanlıqla müşahidə etmək olar.

Həmçinin mənbə Səhiyyə Naziliyinə sual edir ki, əgər xəstələr başqa xəstəxanalarda müalicə alırlarsa, onda Xocavənd Mərkəzi Xəstəxanasına bu qədər vəsait niyə və kimin üçün ayrılır? Bu vəsaitlərdən nə qədəri Səhiyyə Nazirliyinə axır?! Nazirliyin işçilərinin cibinə bu vəsaitlər axmasaydı, yəqin ki, onlar bütün bu dəhşətli dağıntılara göz yummmazdılar! Başa düşmək olmur ki, haqqıda bu qədər şikayətlər olan baş həkim ,(23 ildən artıq müddətdə), vəzifədə necə qala bilir? Yəqin ki, hər ayın axırında işçilərdən yığılan 3-5 manat kassa pulunun,satılan dərmanların,olmayan xəstələr üçün çəkilən xərclərin, müxtəlif vaxtlarda təmir adına silinən pulların hesabına qalır və belə getsə hələ uzun müddət də vəzifədə qalacaq.

Onu da deyək ki, mənbənin bildirdiyinə görə, Mərkəzi Xəstəxanada 300-dən artıq çarpayı fəaliyyət göstərməli olsa da, heç 30 çarpayılıq yer yoxdur. Xocavənd səhiyyə idarəsində çalışan 300 tibb personalının yarıdan çoxu isə, yarımştat fəaliyyət göstərir. Səhiyyə şöbəsinin bu qədər işçisi olsa da, xəstəxanaya hər gün yalnız 20-30 nəfər işçı gəlir. Xəstəxanada adları gedən işçilərin əksəriyyəti rayon və xəstəxana rəhbərlərinin qohum əqrabalarıdır, qalanlarının isə yalnız əmək haqqı cədvəlində adları var. Çoxlarının adlarının xəstəxanada işçi kimi getməsindən özlərinin heç xəbərləri də yoxdur. Çünki həmin insanların əmək haqqı kartları baş həkim özündə saxlayır.

Mənbə bildirir ki, bütün bu şikayətlər, onu deməyə əsas verir ki, bu gün Xocavənd Mərkəzi Xəstəxanasının baş həkimi Nurəngiz Bəşirovanın və ətrafının fəaliyyəti hüquq - mühafizə orqanları tərəfindən ciddi araşdırılmalıdır.

Araşdırılmalıdır ki, Bakıda və başqa yerlərdə evləri, villaları olduğu halda qaçqınlar üçün dövlət vəsaiti hesabına tikilmiş evlərdən ona necə pay düşür?

Qarşı tərəfin möqeyini dərc etməyə hazırıq.

Çox Oxunanlar