BolgeXeber.Com » Ölkə » "AAAF Park" vətəndaşları bezdirib-FAKTLAR

"AAAF Park" vətəndaşları bezdirib-FAKTLAR

12-10-2015, 10:45

Oxunub: 4 616

"AAAF Park" Yaşayış Kompleksində işlər ləngiyib. Kompleksdən mənzil alan vətəndaşlar aylardı evlərinə köçə bilmir

AFN.az xəbər verir ki, Xırdalanda tikinti biznesini inhisarında saxlayan "AAAF Park" kreditlə mənzil alan sakinləri get-gələ salıb. Bu ilin iyun ayında təhvil verilməli olan mənzillər 6 aydan sonra təmirə veriləcək. Narazı sakinləri yola gətirmək üçün şirkət hər gün müxtəlif bəhanələr gətirir.

Vətəndaş Adbulla Cabarovun sözlərinə görə, kompleks tikilməkdə olan binaların görüntülərini şirkətin saytında təqdim etmir: “İki il yarımdır ki, mənzil almışam. Müqavilə bağlananda dedilər ki, 18-24 aya bina təhvil veriləcək. Ancaq həmin müddətin tamamından 6 ay ötməsinə baxmayaraq, mənzillər təhvil verilmir. Mənzil alan şəxslərin böyük əksəriyyəti kirayə evlərdə qalır. Amma bizi başa düşən yoxdur. Dəfələrlə şirkətə müraciət etmişik. Hətta bir dəfə mənzildən imtina etmək istədim. Dedilər ki, “almısansa, qurtardı. Müqavilə pozula bilməz. 10 il krediti ödəməlisən”.

Digər bir bəhanə isə təmirli mənzillərlə bağlıdır. Şirkətin daxili krediti hesabına mənzil alan müştərilər iddia edir ki, 18 aya təhvil verilməli olan binalardan artıq 2 ilə yaxındır ki, səs-soraq yoxdur. Buna baxmayaraq, şirkət yeni kampaniyalara başlamaqdan da çəkinmir. Belə ki, Qurban bayramı ərəfəsində "AAAF Park" daha şirnikləndirici kampaniyaya başlayıb. Müştərilərə aylıq 138 manatdan başlayan ödənişlərlə mənzillər təklif olunur. 25 illik ipoteka krediti evsiz vətəndaşlara ikiqat qiymətə başa gəlir. Nağd satış qiyməti kimi mənzilin 1 kv/m-i 650 manata təklif olunur. Lakin 25 illik kreditlə hesablasaq, mənzilin 1 kv/m-i müştəriyə 1400 manata başa gəlir.

Mövzuya yenidən qayıdacağıq.

P.S. Qarşı tərəfin də mövqeyini verməyə hazırıq.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]