BolgeXeber.Com » Ölkə » “Məmur ovu”nun yeni dalğası başlayır

“Məmur ovu”nun yeni dalğası başlayır

16-10-2015, 16:29

Oxunub: 2 763

Prezident İlham Əliyevin “Artıq qurtardı, yəni hövsələ tükənib. Hər kəs nəticə çıxarsın
Nəticə çıxarmasa, cəzalandırılacaq” bəyanatından sonra Baş Prokurorluqda təcili müşavirə keçirilməsi iqtidarın yeni antikorrupsiya həbslərinə hazırlıq kimi qiymətləndirilir.

Bolgexeber.comxəbər verir ki, bunu Yeni Müsavat qəzeti yazıb. Qəzet bildirir ki, prezidentin müşavirəsindən dərhal sonra Baş Prokurorluğun hərəkətə keçməsi ölkədə yeni antikorrupsiya tədbirlərinin başlandığından xəbər verir: “Redaksiyamıza daxil olan məlumata görə, Antikorrupsiya İdarəsində işçi qrup adı altında əslində məhz antikorrupsiya əməliyyatları üçün görəvləndirilən xüsusi qrup yaradılıb. Prokurorluğa yaxın mənbəmiz deyib ki, bu qrupa geniş səlahiyyətlər verilib və həbslərlə bağlı qərarlar birbaşa prezidentin adından icra ediləcək. Bu o deməkdir ki, işçi qrup üçün heç bir maneə və toxunulmaz nazirlik və məmur olmayacaq. İcraya nəzarət isə baş prokurora tapşırılıb. Bu həm də o anlama gəlir ki, 2011-ci ildən başlamış və nisbətən aşağı məmur korpusunu əhatə edən antikorrupsiya həbslərinin bu dəfə daha yüksək dairəni və miqyası əhatə etməsi planlaşdırılır”.

Qəzet yazır ki, prezidentin tapşırığına əsasən, istisnasız olaraq fəaliyyəti şübhə doğuran bütün nazirliklər və komitələrin yüksək vəzifəli məmurları “istintaq altına” düşə bilər. Bu, baş prokuroru oliqarxlar-nazirlərin mümkün təzyiqlərindən qorumaqla yanaşı, daha çox ortada prezidentin iradəsi olması mesajıdır.

Xəbərdə Nəqliyyat Nazirliyi ilə bərabər Kənd Təsərrüfatı Nazirliyində də yoxlamalara start verildiyi, nazirliyin Dövlət Maşın Sınaq Stansiyasının direktoru Cavanşir Bağırov və digər vəzifəli şəxslərlə bağlı bugünlərdə cinayət işi başlanıldığı qeyd olunur. “Yeni antikorrupsiya tədbirləri AZAL “şefi”ni də əhatə edəcək” yazan qəzet son vaxtlar Cahangir Əsgərovdan da hakimiyyətin narazılığının artdığını vurğulayıb.
Bolgexeber.com

Çox Oxunanlar