Bizimlə əlaqə | Reklam
BolgeXeber.Com » Ölkə » ATU-nun rektorunun işi prokurorluğa düşdü: 1,5 MİLYON MANATLIQ YEYİNTİ

ATU-nun rektorunun işi prokurorluğa düşdü: 1,5 MİLYON MANATLIQ YEYİNTİ

12-02-2016, 12:30
Oxunub: 3 739 ATU-nun rektorunun işi prokurorluğa düşdü: 1,5 MİLYON MANATLIQ YEYİNTİKorrupsiyaya Qarşı Mübarizə Baş İdarəsinin Akif Süleymanovla bağlı araşdırmalara başladığı xəbəri yayılıb

Bu yaxınlarda Hesablama Palatasının apardığı yoxlama nəticəsində Azərbaycan Texnologiya Universitetində ciddi yeyinti faktı aşkarlanmışdı. Həmin araşdırmalar zamanı məlum olmuşdu ki, universitetdə 1,5 milyon manatlıq yeyinti halları olub.

JAM.AZ Demokratiya.info-ya istinadən xəbər verir ki, Hesablama Palatası ilə anlaşma əldə etməyə çalışan rektor Akif Süleymanovun həmin vaxt bütün cəhdləri nəticəsiz qalıb. Məlumatlı mənbənin bildirdiyinə görə, rektor yoxlamaya xeyli sayda minnətçi salsa da, xeyri olmayıb. Və işlər çığırından çıxmağa başlayıb.

Sayt yazır ki, Akif Süleymanovun rəhbəri olduğu təhsil ocağında aşkarlanmış 1,5 milyon manatlıq yeyinti halıyla bağlı bütün sənədlər və arayış artıq Baş Prokurorluq yanında Korrupsiyaya Qarşı Mübarizə Baş İdarəsinə göndərilib. “Baş İdarə bununla bağlı ilkin araşdırmalara başlayıb və yaxın zamanlarda ATU rəhbərliyini dindirmək üçün çağıracağı deyilir”.

İddialara görə, istintaqa çağrılacaq şəxslər arasında rektor Akif Süleymanov da olacaq. “Onun vəzifəsindən azad olunması ilə yanaşı, həbsinin də mümkün ola biləcəyi deyilir. Güman edilir ki, rektor belə yeyintinin altından çıxacaq gücdə də deyil”.

Qarşı tərəfi dinləməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]