Bizimlə əlaqə | Reklam
BolgeXeber.Com » Ölkə » İcra başçısından baş prokurora - ŞİKAYƏT

İcra başçısından baş prokurora - ŞİKAYƏT

19-04-2016, 10:32
Oxunub: 3 765 İcra başçısından baş prokurora - ŞİKAYƏTSahibkarlar müraciətlərində yazırlar ki, rayonda yeni bazar tikilməsinin əleyhinə deyillər

Gədəbəydən bir qrup sahibkar baş prokuror Zakir Qaralova müraciət ünvanlayıb. Müraciətdə deyilir:

“Gədəbəy rayon İcra Hakimiyyətinin başçısı Ramiz Yediyarovun daha bir qanunsuz əməli ilə bağlı sizə müraciət edərək tədbir görməyinizi xahiş edirik. Məlumunuz edirik ki, Yediyarov rayonun Arıxdam kəndinin ərazisində əhaliyə məxsus kənd təsərrüfatı təyinatlı pay torpaqlarının arasında yeni bazar tikdirib. Bizdə olan məlumata görə, bazarın tikildiyi ərazi pay torpağıdır və bu tikinti üçün müvafiq dövlət orqanlarından icazə alınmayıb”.

Sahibkarlar müraciətlərində yazırlar ki, rayonda yeni bazar tikilməsinin əleyhinə deyillər. Amma bazarın rayon mərkəzindən xeyli kənarda, xüsusi ilə əkin sahələrinin arasında, kənd təsərrüfatı təyinatlı torpaqlarda, qeyri-qanuni tikilməsi yolverilməzdir: “Hamıya məlumdur ki, bazar olan ərazidə məişət tullantıları həddən artıq çox olur. Hətta rəhbərliyi normal işləyən rayonlarda belə bazar ətrafı ərazilərdə zibillənmənin qarşısını almaq olmur.
Nəzərə alsaq ki, bazar tikilən ərazi çox küləklidir və Ramiz Yediyarov "komxoz"-un (Kommunal Təsərrüfat Şöbəsi-E.H) yeganə yük maşınını qızıl şirkətinə hər ayı min manata icarəyə verib, bəri başdan demək olar ki, bazar işə düşəndə bu ərazidə əkin əkən insanlar torpaqdan kartof, taxıl yerinə polietilen torbalar, butulkalar və s. min bir adda zir-zibil yığacaqlar. Bu da olacaq Ramiz Yediyarovun ölkənin aqrar sektoruna daha bir zərbəsi olacaq".
Sahibkarlar müraciətlərində yazırlar ki, R.Yediyarov bu işdə tək deyil: “Ramiz Yediyarov bu qanunsuzluğa, daha dəqiq desək, cinayət əməlinə tək başına yol vermir. Onun himayəçısi var. Belə ki, vergilər naziri Fazil Məmmədov özünün Vəkil adlı yaxın qohumu vasitəsilə bazarın tikintisinə nəzarət edir.
Hörmətli Zakir müəllim, biz yuxarıda heç bir araşdırmaya, istintaqa ehtiyacı olmayan, minlərlə insanın gözü qabağında baş verən, hətta demək olar ki, nümayişkaranə şəkildə edilən böyük bir qanunsuz əməldən bəhs etdik. Ramiz Yediyarovun bu əməlinin qarşısını almağı sizdən xahiş edirik".
Musavat.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]