Beynəlxalq Bankın 500 milyonundan xəbər yoxdur
3-06-2016, 13:50
Oxunub: 3 233
Bu ilin fevralında keçirilmiş növbədənkənar ümumi toplantıda Azərbaycan Beynəlxalq Bankının (ABB) səhmdarları özəlliklə nizamnamə kapitalının 500 milyon manat artırılmasını müzakirəyə çıxarmışdılarDörd aya yaxın vaxt ötsə də, nə səhmin buraxılışına dair emissiya prospekti dövlət qeydiyyatına alınıb, nə də bu barədə tək kəlmə kəsən var.
ABB yeni səhm buraxmaqla, nizamnamə kapitalının həcmini 1 milyard 141.3 milyon manata çatdırmağı hədəfləyirdi. Məqsəd bankın kapital adekvatlığını təmin etmək idi.
Bankın mətbuat xidmətində AzadlıqRadiosuna emissiyanın ləngimə səbəblərini şərh etməyiblər. Beləliklə, bankın bu il əlavə səhm buraxılışına gedib-getməyəcəyi suallı qalır.
Ötən il buraxılan 100 milyon manatlıq səhmlərin 51 milyon manatlığı alınmışdı. Əsas alıcı Maliyyə Nazirliyi idi.Bankın açıqladığı son maliyyə hesabatına görə, 2015-ci ildə zərər 823.6 milyon manat olub. Dövriyyədəki hər səhmə 35 qəpiklik zərər dəyib. Bir səhmin nominal qiyməti, yəni arxasında duran səhmdar kapitalı isə 27 qəpikdir. Başqa sözlə, ABB nizamnamə kapitalını da aşan məbləğdə zərərə düşüb. Zərər təkcə «ABB Qrupu»na daxil Azərbaycandakı bankın deyil, «ABB-Moskva» ASC-nin də hesabına yaranıb.
Fond bazarı iştirakçılarının sözlərinə görə, hazırda Bakı Fond Birjasında ABB-nin səhmləri 8-9 qəpikdən alınıb-satılır. Belə bir şəraitdə investorların bankın səhmlərinə maraq göstərəcəyi də şübhə doğurur.
Maraqlıdır ki, ötən il Maliyyə Nazirliyinin timsalında dövlətin «ABB» ASC-də iştirak payı 60 faizdən 82.23 faizə yüksəlib.Bankın səhmləri məsələn indi birjada yerləşdirilərsə, Maliyyə Nazirliyi dövlət büdcəsindən ABB-yə, azı, 400 milyon manat əlavə vəsait ödəyəcək.
2015-ci ildə ABB-nin 5.6 milyard manatlıq problemli kreditləri «Aqrarkredit» Bank olmayan Kredit Təşkilatının idarəetməsinə verilib.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
