Deputat sələmçilik fəaliyyəti ilə bağlı niyə susur?
16-08-2016, 14:59
Oxunub: 2 536
Deputat Rüfət Quliyevin sələmçilik fəaliyyəti haqda günlərdir ki, məlumatlar dərc olunur
Maraqlıdır ki, deputat yazılanlara münasibət bildirməyə tələsmir. Rüfət Quliyevin sələmçilik fəaliyyəti üzərindən öz 40 illik mərhum dostunun ailəsinə məhkəmə davası açması xəbəri də daxil olmaqla, ötən günlər ərzində bu mövzuda yazılan xəbərlərin hər birinə deputatın münasibətini öyrənməyə cəhd etmişik.
Deputatın vəkili Kamandar Nəsibov “Yeni Müsavat”a açıqlamasında bunu deputatın xaricdə olması ilə izah edib. Deyib ki, deputat xaricdədir. Deputatın mobil telefonuna etdiyimiz israrlı zənglər də cavabsız qalıb. R.Quliyev Milli Məclisin iqtisadi siyasət, sənaye və sahibkarlıq komitəsinin üzvü olmaqla yanaşı, 1999-cu ildən “European Tobacco-Baku” ASC-nin İdarə Heyətinin sədridir. Bu baxımdan, “European Tobacco Baku”nun 490-30-18 nömrəsi ilə əlaqə saxladıq. Xəttin əks tərəfindən kimliyimizi öyrənib bildirdilər ki, Rüfət Quliyevlə calaşdıracaqlar. Az sonra isə R.Quliyevin ofisdə olmadığını bildirdilər. Sonrakı zənglərimizdə də R.Quliyevlə danışıb barəsindəki sələmçilik ittihamlarına onun münasibətini öyrənə bilmədik.
Bir daha qeyd edək ki, Milli Məclisin üzvünün faiz davasına avqustun 18-də Səbayel Rayon Məhkəməsində hakim Zaur Əliyevin sədrliyi ilə baxılacaq. R.Quliyev 40 illik dostu olmuş mərhum Namiq Səfərovun dul həyat yoldaşına qarşı iddia qaldırmaqla onun əmlaklarına həbs qoydurub. Bu məsələ ictimailəşəndən sonra məlum olub ki, Rüfət Quliyevin əsas fəaliyyət istiqaməti sələmçilikmiş.
Bir daha diqqətə çatdırırıq ki, deputatı dinləməyə, mövqeyini dərc etməyə hazırıq.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər