Bizimlə əlaqə | Reklam
BolgeXeber.Com » Ölkə » “Azərsu”ya qarşı 50 min manatlıq təzminat iddiası

“Azərsu”ya qarşı 50 min manatlıq təzminat iddiası

20-08-2016, 09:48
Oxunub: 3 733 “Azərsu”ya qarşı 50 min manatlıq təzminat iddiası5 torpaq mülkiyyətçisinin hər birinin iddia tələbləri müxtəlifdir

“Azərsu” Səhmdar Cəmiyyətindən şikayətçi olan torpaq mülkiyyətçilərinin iddiası üzrə iş 5 ilə yaxındır ki, davam edir. Qəbələdən olan mülkiyyətçilər səhmdar cəmiyyətdən 50 min manatdan artıq təzminat tələb edirlər.

Bunu virtualaz.org saytına Neftçilərin Hüquqlarını Müdafiə Təşkilatının hüquqşünası Azər Quliyev deyib.

A.Quliyev bildirib ki, Oğuz-Qəbələ-Bakı su kəməri 6 ildir istifadəyə verilsə də, mülkiyyətçilərə dəyən zərər indiyədək ödənilməyib. “Məhkəmə “Azərsu”nun müxtəlif bəhanələri ilə uzadılır. Halbuki mülkü iddia ən geci 6 aya qədər bitməlidir. Məhkəmə araşdırmaları, ekspertlərin rəyi kəmərin keçdiyi ərazilərdə torpaq mülkiyyətçilərinə zərər vurulduğunu təsdiqləyir”, - deyə vəkil əlavə edib.

5 torpaq mülkiyyətçisinin hər birinin iddia tələbləri müxtəlifdir. “Əvvəlki şikayətçilərin iddiası təmin edilib və “Azərsu” təzminat ödəyib. Hazırda isə qurum təzminat ödəmək istəmir. 1 mülkiyyətçinin işi aprel ayında yekunlaşıb. Qanuna görə iş yekunlaşandan ən çoxu 3 günə qərar elan olunmalıdır. Üstündən 4 ay keçib, amma qərar hələ də açıqlanmır”, - vəkil qeyd edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]