BolgeXeber.Com » Ölkə » Kamil Zeynallının məhkəməsinə aparıcı Şəbnəm Həsənova çağırıla bilər

Kamil Zeynallının məhkəməsinə aparıcı Şəbnəm Həsənova çağırıla bilər

6-03-2017, 20:10

Oxunub: 4 861 Kamil Zeynallının məhkəməsinə aparıcı Şəbnəm Həsənova çağırıla bilər

Bu gün Xətai rayon Məhkəməsində hakim Namidar Misirzadənin sədrliyi ilə jurnalist Əfruzə Ağayevanın idmançı Kamil Zeynallıya qarşı qaldırdığı iddia üzrə məhkəmə prosesinin hazırlıq iclası keçirilib

Ə.Ağayevanın vəkili Vüqar Səfərli bildirib ki, hazırlıq iclasında cavabdehin anket məlumatları dəqiqləşdirilib. Prosesdə K.Zeynallının vəkili məhkəməyə qarşılıqlı iddia qaldıraraq Ə.Ağayevanın bu prosesdə qanunsuzluğa yol verdiyini deyib. Vəkil bildirib ki, guya Ə.Ağayeva K.Zeynallıdan müsahibə alarkən ona qərəzli suallar verib və bu da jurnalist etikasından kənardır: "Əslində, isə Əfruzə xanım jurnalist prinsiplərinə zidd hərəkət etməyib, o aparıcı Şəbnəm Həsənovanın Kamil Zeynallı tərəfindən təhqir olunduğu barədə yayılan videolar və şərhlər barədə suallar verib. Biz növbəti prosesdə Şəbnəm Həsənovanın da maraqlı tərəf kimi prosesə dəvət edilməsi barədə vəsatət qaldıracağıq. Çünki, bu prosesdə onun da hüquqları pozulub".

Prosesdə hakim tərəflərə barışıq təklifi etsə də, Ə.Ağayeva və onun müdafiə tərəfi bu təklifi şərt əsasında qəbul edib. Vəkil bildirib ki, K.Zeynallı sosial şəbəkə və saytlar, həmçinin video sujet vasitəsilə günahını boynuna almalı, Ə.Ağayevadan həmin vasitələrlə üzr istəməlidir. Bu prosesdən sonra tərəflər arasında barışıq baş tuta bilər.

İş üzrə hazırlıq iclası yekunlaşıb və məhkəmə baxışı martın 17-ə təyin edilib.

Xatırladaq ki, idmançı K.Zeynallı jurnalist Ə.Ağayevanı sosial şəbəkələr və saytlar vasitəsilə təhqir edib. Buna görə də Ə.Ağayeva məhkəməyə müraciət edərək K.Zeynallının ondan üzr istəməsini və dəymiş mənəvi ziyana görə 50 min manat tələb edib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]