BolgeXeber.Com » Ölkə » "Qardaşım Ziya Məmmədovla bağlı məndən heç kim heç nə soruşmasın" - Elton Məmmədov

"Qardaşım Ziya Məmmədovla bağlı məndən heç kim heç nə soruşmasın" - Elton Məmmədov

24-03-2017, 09:20

Oxunub: 3 947 "Qardaşım Ziya Məmmədovla bağlı məndən heç kim heç nə soruşmasın" - Elton Məmmədov

Prezident İlham Əliyevin müvafiq sərəncamından sonra işsiz qalan sabiq nəqliyyat naziri Ziya Məmmədov Novruz bayramını ailəsi ilə birlikdə doğulub, boya-başa çatdığı Ucar rayonunun Qazıqumlaq kəndində yerləşən ata yurdunda qeyd edib

Bu barədə unikal.org-a eks-nazirin qardaşı, sabiq deputat Elton Məmmədov məlumat verib. O bildirib ki, Ziya Məmmədov rayonda olduğu üçün biz də onun başına toplaşaraq Novruz bayramını birlikdə qeyd etdik.

E.Məmmədov deyib ki, hazırda eks-nazir özünü yaxşı hiss edir: "Ziya müəllim özünü yaxşı hiss edir və səhətinə heç bir problem yoxdur. Hər şey əladır. Bayramı ailələrimizlə, kənd camaatı ilə birlikdə qeyd etdik. Hər şey gözəldir, əladır”.

Eks deputat qardaşı nazir vəzifəsindən çıxarıldıqdan sonra YAP-dan da xaric olunması ilə bağlı dedi-qodularda münasibət bildirib: "Bu cür məlumatlar yalandır. Deyilənlər doğru deyil”.

E.Məmmədov mətbuata da müraciət edib: "Qardaşım Ziya Məmmədovla bağlı məndən heç kim heç nə soruşmasın. Hər kəsin öz həyat tərzi var. Kimin mənimlə bağlı sualı varsa buyurub bunu deyə və yaxud soruşa bilər. Kimsə kimisə yerinə cavabdeh deyil. Həmdə Ziya müəllim kiminsə onun haqqında danışmasını da xoşlamır. Bu həm də etik baxımından düzgün deyil”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]