BolgeXeber.Com » Ölkə » BDU, ADU və Azərbaycan Dövlət Aqrar Universiteti təqaüdləri vermir: Tələbələr əlacsız qalıb

BDU, ADU və Azərbaycan Dövlət Aqrar Universiteti təqaüdləri vermir: Tələbələr əlacsız qalıb

28-03-2017, 18:22

Oxunub: 8 261

Xəbər verdiyimiz kimi, Azərbaycanda bir neçə universitetdə artıq 3 aydan çoxdur ki, təqaüdlər verilmir

AZXEBER.COM-un məlumatına görə, bu məsələ mətbuatda işıqlandırılandan sonra bəzi universitetlərdə təqaüdlər verilməyə başlayıb.

Bununla bağlı tələbələr portalımıza məlumat verib.

Ancaq tələbələrin gözünü yolda qoyan universitetlər də az deyil. Belə universitetlərdən biri Azərbaycan Dövlət Aqrar Universitetidir. Tələbələr dəfələrlə rektorluğa müraciət ünvanlalar da, hələ də onların təqaüdü verilmir. Mühasibatlıqdan tələbələrə deyilib ki, "biz özümüz də bilmirik ki, təqaüdlər nə vaxt veriləcək, ona görə də bizə müraciət etməyin"

Daha bir şikayət isə ölkənin aparıcı universitetlərdən hesab olunan Bakı Dövlət Universitetindədir. Burada da tələbələr analoji hadisəylə üz-üzədir. Onlar fevral ayının təqaüdünü ala bilmirlər.

Azərbaycan Dillər Universitetinin tələbələri də təqaüd üzünə həsrətdilər. Onlar 3 aya yaxındır ki, təqaüd ala bilmir.

Məsələ diqqətimizdədir, mövzuya yenidən qayıdacağıq.

Çox Oxunanlar