Bizimlə əlaqə | Reklam
BolgeXeber.Com » Ölkə » Bakıda müşahidə edilən toz-dumanlı havanın səhhətimizə təsiri ilə bağlı kardioloqdan XƏBƏRDARLIQ(VİDEO)

Bakıda müşahidə edilən toz-dumanlı havanın səhhətimizə təsiri ilə bağlı kardioloqdan XƏBƏRDARLIQ(VİDEO)

10-08-2017, 17:03
Oxunub: 4 217 Bakıda müşahidə edilən toz-dumanlı havanın səhhətimizə təsiri ilə bağlı kardioloqdan XƏBƏRDARLIQ(VİDEO)Ölkə ərazisində hava şəraitinin dəyişməsi, temperaturun aşağı düşməsi və tozla müşahidə olunan küləkli hava şəraitinin başlaması bir çox insanlara mənfi təsir edir

Məsələ ilə bağlı açıqlama verən Azərbaycan Tibb Universitetinin (ATU) Tədris Terapevtik Klinikasının qəbul şöbəsinin rəhbəri, həkim-kardioloq Afiyəddin İsgəndərov bildirib ki, bu cür hava şəraitinin meteohəssas və meteohəssas olmayan insanlara, o cümlədən allerqik riniti olan insanlara mənfi təsiri var.

Onun sözlərinə görə, tozla müşahidə olunan hava şəraiti daha çox allergik məsələləri ortaya çıxara bilir, yəni allerqik riniti olan insanlarda allerqik problemlərin yaranmasına səbəb olur:

“Bundan başqa, küləyin və soyuğa doğru hərəkətin, havanın temperaturunun birdən-birə 5-6 dərəcə aşağı düşməsinin stenokardik xəstəsi olan insanlara mənfi təsiri var. Buna görə meteohəssas, kardioloji problemi və allerqik riniti olan insanlar hava proqnozunu mütləq şəkildə izləməli və çox vacib işləri yoxsa, onlara bu havalarda ev şəraitində olmaq tövsiyə edilir. Çünki stenokardik tutmaların əsas səbəblərindən biri də küləkli hava və temperaturun anidən dəyişməsidir”.

Küləkli havada temperaturun dəyişməsi zaman atmosfer təzyiqinin də dəyişdiyini qeyd edən A.İsgəndərov vurğulayıb ki, atmosfer təzyiqinin dəyişməsi insan orqanizminə təsir göstərir və nəticə etibarı ilə arterial qan təzyiqinin dəyişməsinə səbəb olur ki, bu da diskomfort yaradır:

“Bu səbəbdən çox vacib olmadığı halda meteohəssas insanlar bu cür hava şəraitində çölə çıxmamalıdırlar. İkincisi, ən adi sıxıntıları olsa belə, mütləq sahə və ya müalicə həkimləri ilə əlaqə saxlamalıdırlar. Çünki qəbul qəbul edəcəkləri dərmanın dozası tənzimlənməlidir. Məsələn, bir insanın təzyiqi stabil hava durumunda bəlli bir səviyyədə olur, o təzyiqə görə bəlli bir dozada dərman qəbul edir. Amma atmosfer təzyiqi dəyişdikdə və nəticə etibarı ilə insanın qan təzyiqi dəyişdikdə, yüksəldikdə və ya aşağı düşdükdə dərmanın dozası da tənzimlənməlidir. Bu baxımdan hava proqnozunu izləmək və həkimlə əlaqə saxlamaq vacibdir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]