Bizimlə əlaqə | Reklam
BolgeXeber.Com » Ölkə » Bakıda Sevgililər günü “sürpriz”i – Qiymət bahalaşdı

Bakıda Sevgililər günü “sürpriz”i – Qiymət bahalaşdı

7-02-2018, 12:35
Oxunub: 4 494 Bakıda Sevgililər günü “sürpriz”i – Qiymət bahalaşdıQarşıdan 14 fevral – Sevgililər günü gəlir. Bu gün Azərbaycanda yüksək səviyyədə qeyd edilməsə də, sevgililər bu tarixi xüsusi keçirməyi sevirlər

Bu səbəbdəndir ki, restoranlar sözügedən tarixdə müştəri çoxluğundan istifadə edərək qiymətləri yüksəldir.

Kult.az xəbər verir ki, Sevgililər gününə görə restoranlar artıq hazırlıqlara start veriblər.

Bakının məşhur “Oazis” restoranında adi günlərdə standart menyu 30 manat olsa da, Sevgililər günü həmin menyu bir nəfər üçün 50 manata qaldırılıb. Restorandan verilən məlumata görə, menyuda heç bir dəyişiklik yoxdur. Restoran ora təşrif buyuran sevgililərin özəl günü üçün xüsusi müğənnilər dəvət edib. Qiymətin yüksək olmasına səbəb də məhz bu olduğu deyilir.

“Lido” restoranında isə Sevgililər gününə 1 nəfər üçün masa sifarişi 100 manatdır. İki sevgilinin sözügedən restoranda əylənməsi üçün ən azı 200 manat tələb olunur. Menyu isə adi günlərdə olduğu kimi standartdır. Qiymətin həmin gün üçün yüksəldilməsinə səbəb isə son günlərin məşhur müğənnisi olan Damlanın dəvət edilməsidir.

Bakının məşhur “Şuşa” restoranında da vəziyyət təxminən eynidir. Adi günlərdə 20-30 manat arasında dəyişən menyu qiymətləri həmin gün üçün 50 manata yüksəldilib. Restorandan verilən məlumata görə, sözügedən tarixdə sevgililər üçün surpriz qonaqlar olacaq.

“Altun Saray” restoranında isə Sevgililər günü bir masanın qiyməti 70 manatdır. Menyuya restoranın adi günlərdə təqdim etdiyi nemətlər daxildir. Qiymət isə özəl günə görə bahalaşdırılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]