BolgeXeber.Com » Ölkə » “Aqrolizinq” batır: zərər 2 dəfə artdı, 22 milyona çatdı

“Aqrolizinq” batır: zərər 2 dəfə artdı, 22 milyona çatdı

1-05-2018, 11:54

Oxunub: 4 599

Kənd Təsərrüfatı Nazirliyi yanında "Aqrolizinq” ASC-nin cəmi aktivləri bu il yanvarın 1-nə 932,346 mln. manat təşkil edib.

Qaynarinfo qurumun maliyyə hesabatına istinadən xəbər verir ki, bu, ötən il yanvarın 1-i ilə müqayisədə 23,9% çoxdur.

2017-ci ildə "Aqrolizinq”in uzunmüddətli aktivləri 37,7% artaraq 556,895 mln. manata, qısamüddətli aktivləri isə 7,9% artaraq 375,452 mln. manatas çatıb.

İl ərzində səhmdar cəmiyyətin cəmi öhdəlikləri 0,4% artaraq 394,89 mln. manat, o cümlədən uzunmüddətli öhdəlikləri 3,7% azalaraq 352,571 mln. manat, qısamüddətli öhdəlikləri isə 55,25% artaraq 42,319 mln. manat, cəmi kapitalı isə 49,6% artaraq 537,456 mln. manat, o cümlədən nizamnamə kapitalı 55,3% artaraq 561,628 mln. manat olub.

Ötən il "Aqrolizinq”in əsas əməliyyat gəliri 180,772 mln. manat (əvvəlki ilə nisbətən 41,6% çox), satışının may dəyəri 167,441 mln. manat (38,4% çox), sair gəlirləri 411 min manat (97,5% az), vergidən azad gəlirlər üzrə zərəri 8,51 mln. manat (əvvəlki il olmayıb), inzibati xərcləri 4,163 mln. manat (58,8% az), köhnəlmə və amortizasiya xərcəri 2,512 mln. manat (10,3% az), məzənnə fərqindən zərəri 14,383 mln. manat (əvvəlki il olmayıb), sair xərcləri isə 5,895 mln. manat təşkil edib.

Son nəticədə qurum 2017-ci ili 21,722 mln. manat zərərlə başa vurub. Bu, 2016-cı ilə nisbətən 96,1% və yaxud təxminən 2 dəfə çoxdur.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]