BolgeXeber.Com » Ölkə » Toyuna iki gün qalmış qaçırılan gəlindən xəbər var (TƏFƏRRÜAT)

Toyuna iki gün qalmış qaçırılan gəlindən xəbər var (TƏFƏRRÜAT)

24-08-2018, 14:23

Oxunub: 5 810

Salyan rayonu Qaraçala qəsəbəsində toydan 2 gün əvvəl gəlin başqasına qoşulub qaçıb. Gəlin rayonun düzənlik kəndindən olub. Məlumata görə, oğlan evi gəlin gətirməyə hazırlaşarkən qızın qaçdığını öyrəniblər. Oğlan da qısa zamanda kənddə başqa bir qızla ailə qurub.

Qaraçala qəsəbə sakinlərinin Publika.az-a verdiyi məlumata görə, qaçan qızla oğlan bir ildən çox nişanlı olub. Bu müddət ərzində aralarında ciddi bir narazılıq olmayıb. Artıq qız toyu da olub.

Məlumata görə, toydan iki gün əvvəl heyvankəsdi mərasimi zamanı qız qaçıb. Bu zaman isə oğlan evində artıq toya bütün hazırlıqlar başa çatıb, dəvətnamələr paylanıb, gəlinlik paltarı da hazır olub.

Oğlanın ailəsi kasıb olduğundan çəkdiyi xərcin hədər getməsini istəməyib. Ona görə də iki gün ərzində qohumlardan bir neçə qıza elçi düşüb. Onlardan biri oğlanla ailə qurmağa razı olub və toy mərasimi baş tutub.

Əldə etdiyimiz məlumata görə, qızı qaçıran şəxslə qızın ailəsi arasında ədavət olub. Belə ki, bir müddət əvvəl həmin oğlan qızın qohumlarından birini boşayıb. Aralarında ədavət olduğundan qızın toyuna iki gün qalmış onu qaçırıb. İndi qızın harada olduğu və ya həmin şəxslə öz istəyi ilə qaçdığı, yoxsa zorla qaçırıldığı bilinmir.

Hazırda qızın cehizləri oğlan evində, qız üçün alınmış zinət əşyaları isə qızdadır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]