BolgeXeber.Com » Ölkə » Polis mənşəyi məlum olmayan 300 kq ət aşkarladı

Polis mənşəyi məlum olmayan 300 kq ət aşkarladı

27-09-2018, 15:57

Oxunub: 2 091

Azərbaycanda mənşəyi məlum olmayan xeyli miqdarda ət məhsulları aşkar edilərək götürülüb.

Bolgexeber.com DİN-ə istinadən xəbər verir ki, sentyabrın 26-da saat 8 radələrində yol polisinin Qaradağ rayonu ərazisində yerləşən postunda Biləsuvar rayon sakini Əli Quliyevin idarə etdiyi "Mercedes” markalı avtomobil nəzarət qaydasında saxlanılıb.

Polis əməkdaşları tərəfindən avtomobilin yük yerindən mənşəyi məlum olmayan, çəkisi 300 kiloqram ət aşkar edilərək götürülüb.

Elə həmin gün saat 11 radələrində yol polisinin 6-cı tağımının əməkdaşları tərəfindən Bakı-Qazax yolunun 14-cü kilometrliyində Lənkəran rayon sakini Elnur Miriyevin idarə etdiyi "VAZ-21015” markalı avtomobil də nəzarət qaydasında saxlanılıb. Polis əməkdaşları avtomobilin yük yerindən mənşəyi məlum olmayan, çəkisi 40 kiloqram toyuq və 50 kiloqram mal əti aşkar ediblər. YPX əməkdaşları tərəfindən bu barədə aidiyyəti qurumlara dərhal məlumat verilib.
Götürülmüş ət məhsulları yoxlanılması üçün Azərbaycan Qida Təhlükəsizliyi Agentliyinin əməkdaşlarına təhvil verilib.

Çox Oxunanlar