BolgeXeber.Com » Ölkə » Villa sahibləri Badamdardan qaçır: Evləri gözətçilər qoruyur

Villa sahibləri Badamdardan qaçır: Evləri gözətçilər qoruyur

15-10-2018, 14:29

Oxunub: 3 897

2018-ci il oktyabr ayının 12-də gecə saatlarında Bakı şəhəri Səbail rayonu ərazisində - Badamdar şossesində (Badamdarla 20-ci sahəni birləşdirən yol) sürüşmə davam edir, xırda uçqunlar başlayıb

Bolgexeber.com xəbər verir ki, bu barədə modern.az-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov məlumat verib.

O qeyd edib ki, hər 4 saatdan bir ərazidə monitorinq aparılır: "Dinamikanı nəzarətdə saxlamaq üçün ərazinin üst hissəsindəki evlərin hasarlarına qoyulan gips mayaklarda dəyişiklik, gərginlik hiss olunmur”.

Ə.Qaralovun sözlərinə görə, ərazidəki 8 fərdi evdə yaşayanlar oradan köçürülüb: "Həyətlərdə gözətçilər evləri qoruyur. Həyətlərinə girmək mümkün olan evlərə baxış keçirdik, ciddi dəyişiklik olmasa da, gərginlik qalır. Ərazi aktiv fazadadır”.

Nazirlik rəsmisi qeyd edib ki, yağıntı baş verərsə, ciddi problem yarana bilər: "Əsas insan amilidir, amma yağıntı olarsa, təhlükənin miqyası arta bilər”.

Qeyd edək ki, əraziyə yaxın obyeklərini fəaliyyəti dayandırılıb, Badamdar qəsəbəsi 3-cü yaşayış massivində dağ yamacının üst hissəsində yerləşən 8 fərdi yaşayış evlərində yaşayan vətəndaşlar müvəqqəti olaraq evlərini tərk etmələri ilə bağlı xəbərdarlıq edilib.

Səbail Rayon İcra Hakimiyyətindən modern.az-a verilən məlumata görə, həmin evlərin 8-idə villadır: "Ərazidə 11 fərdi ev olsa da, 8-də yaşayış vardı. Ailələr müvəqqəti olaraq, digər ərazilərdə yerləşən evlərinə köçüblər. Evlərini isə gözətçiləri qoruyur”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]