BolgeXeber.Com » Ölkə » Azərbaycanda buzlaqlar sürətlə əriyir - HƏYƏCAN

Azərbaycanda buzlaqlar sürətlə əriyir - HƏYƏCAN

17-12-2018, 11:31

Oxunub: 2 955

Böyük və Kiçik Qafqazın dağlıq ərazilərində qar örtüyünün sahəsinin ilbəil azalır.

Bolgexeber.com xəbər verir ki, bunu oxu.az-a açıqlamasında Milli Hidrometeorologiya Departamentinin direktoru Umayra Tağıyeva bildirib.

Onun sözlərinə görə, Azərbaycanda su ehtiyatlarının 70 faizi transsərhəd çaylardan gələn sulardır:

Oxu: Həyəcan təbili: Buzlaqlar sürətlə əriyir, su qıtlığı yaranacaq
"Su qıtlığı böyük və aktual problemlərdən biridir. Bildiyiniz kimi, Azərbaycanda su ehtiyatlarının 70 faizi transsərhəd çaylardan gələn sulardır. Milli Hidrometeorologiya Departamenti tərəfindən hər il Böyük və Kiçik Qafqaz dağlarında qar ölçmə işləri aparılır.

Müşahidələr göstərir ki, qar xətti ilbəil yuxarıya doğru hərəkət edir və buzlaqların əhatə etdiyi sahə azalır. Bu, o deməkdir ki, respublikamızda formalaşan dağ çaylarında sululuq təhlükə altındadır. Bu baxımdan, su ehtiyatlarının qorunması, itkilərin aradan qaldırılması çox əhəmiyyətli və böyük bir problemdir”.

Umayra Tağıyeva qeyd edib ki, məsələ barədə müəyyən işlər görülməlidir:

"Təəssüf ki, bəzi hallarda içməli su texniki su kimi istifadə olunur, israfçılıq edilir. Buna görə də su ehtiyatlarına qənaətlə yanaşmaq lazımdır”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]