BolgeXeber.Com » Ölkə » Aqil Abbas: “Nəvəmin çantasını götürə bilmirəm”

Aqil Abbas: “Nəvəmin çantasını götürə bilmirəm”

3-05-2019, 15:46

Oxunub: 3 875

“Metroda kitab satışı qadağan olunub. Niyə qadağan olunub?”

ONA-nın məlumatına görə, bunu bu gün Milli Məclisin plenar iclasında millət vəkili Fazil Mustafa söyləyib.

F.Mustafa deyib ki, hər yerdə siqaret vitrinlərə qoyularaq satılır: “Baxmayaraq ki, qanuna görə siqaret reklamı qadağandır. Kitab siqaret deyil, niyə metroda satışı qadağan olunmalıdır? Nəzərə alınmalıdır ki, kitab ən yaxşı maarifləndirici vasitədir”.

Birinci vitse-spiker Ziyafət Əsgərov bildirib ki, Bakıda kifayət qədər kitab satılan mağazalar var: “Şəxsən məndə 300-ə qədər kitab var. Kim istəyir, pulsuz verərəm, təki kitab oxuyan olsun”.

Millət vəkili Aqil Abbas məktəblərə kitab dolu çantaları daşıyan uşaqların belinin şikəst olduğunu söyləyib: “Mən nəvəmin çantasını götürə bilmirəm. Parlamentin komitəsi təhsil Nazirliyi ilə birlikdə gələn təhsil ilindən bu problemə son qoymalıdır”.

Elm və təhsil komitəsinin sədri İsa Həbibbəyli deyib ki, bəzi kağız materialları kitabların çəkisinin azaldılmasına kömək edə bilər: “İnanırıq ki, bu məsələni yoluna qoymaq olar. Bu istiqamətdə iş gedir, biz Təhsil Nazirliyi ilə bu məsələni həll edə bilərik”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]