BolgeXeber.Com » Ölkə » “Evrascon” ASC-nin cərimələnməsi üçün məhkəməyə şikayət verilib

“Evrascon” ASC-nin cərimələnməsi üçün məhkəməyə şikayət verilib

25-07-2019, 10:30

Oxunub: 2 728 “Evrascon” ASC-nin cərimələnməsi üçün məhkəməyə şikayət verilib

Dövlət Yol Polisi “Evrascon” Açıq Səhmdar Cəmiyyətinin 300 manat cərimə edilməsi barədə inzibati protokol tərtib edib.

"Report"un xəbərinə görə, qurum İnzibati Xətalar Məcəlləsinin 347-ci maddəsi ilə təqsirləndirilib.

İnzibati Xətalar Məcəlləsinin 347-ci (dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə) maddəsinə əsasən, hüquqi şəxslər üç yüz manat məbləğində cərimə edilir.

Yasamal Rayon Məhkəməsi 07 iyun 2019-cu il tarixində inzibati xəta haqqında iş üzrə icraata xitam verilməsinə dair qərar çıxarıb.

Bu qərardan Yasamal Rayon Polis İdarəsi tərəfindən verilən apellyasiya şikayətinə Bakı Apelyasiya Məhkəməsində baxılır.

Qeyd edək ki, 2013-cü ildə "Azərkörpü" ASC-də ildə həyata keçirilmiş rebrendinq nəticəsində şirkətin adı Avro-Asiya Tikinti Korporasiyası "EVRASCON" adlandırılıb.

Çox Oxunanlar