BolgeXeber.Com » Ölkə » Mübahisəli qanun layihəsi yenidən Milli Məclisdə müzakirəyə çıxarılacaq

Mübahisəli qanun layihəsi yenidən Milli Məclisdə müzakirəyə çıxarılacaq

5-09-2019, 16:51

Oxunub: 4 059 Mübahisəli qanun layihəsi yenidən Milli Məclisdə müzakirəyə çıxarılacaq

"Reproduktiv sağlamlığın qorunması haqqında" qanun layihəsi nəhayət, bu il Milli Məclisin payız sessiyasında müzakirəyə çıxarılacaq.

Bu barədə APA-ya Milli Məclisin Səhiyyə komitəsinin sədr müavini Musa Quliyev məlumat verib.

O bildirib ki, "Reproduktiv sağlamlığın qorunması haqqında" qanun layihəsi tam hazırdır və Milli Məclisin payız sessiyasının plenar iclaslarının birinə təqdim olunacaq: “Qanun layihəsində narazılıq doğuran məsələlər var idi. Bunlar - surroqat ana və cinsi hüceyrələrin donorluğu idi. Hər iki maddə qanun layihəsindən çıxarılıb”.

Komitə sədrinin müavini qeyd edib ki, payız sessiyası ərzində “Əhalinin sağlamlığının qorunması haqqında” qanuna da əlavə və dəyişikliklər ediləcək: “Buna səbəb isə gələn ildən icbari tibbi sığortanın tətbiqi ilə bağlıdır”.

Qeyd edək ki, "Reproduktiv sağlamlığın qorunması haqqında" qanun layihəsi uzun illərdir ki, qəbul edilmir. Layihədə yer alan məqamlar dəfələrlə mübahisəyə səbəb olub.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]