BolgeXeber.Com » Ölkə » Qapı-qapı gəzib su filtri satanlarla bağlı - Açıqlama

Qapı-qapı gəzib su filtri satanlarla bağlı - Açıqlama

28-09-2019, 10:45

Oxunub: 3 902

"Su filtrləri satanlar istehlakçıları aldatmaqla məşğuldurlar".

"Qafqazinfo" xəbər verir ki, bunu “Azərsu” ASC-nin mətbuat xidmətinin rəhbəri Anar Cəbrayıllı İTV-də yayımlanan "3D" verilişində qonaq olan zaman deyib.

Onun sözlərinə görə, "Azərsu"nun su filtri satışı ilə məşğul olan şirkətlərə qarşı tədbir görməsi üçün səlahiyyəti olmasa da, mütəmadi olaraq təbliğat işləri aparılır:

"Əgər suyun tərkibini iki dəmir, TDS-lə öyrənmək mümkündürsə, niyə dövlətlər milyonlar xərcləyib laboratoriya qururlar? Siz eşitmisizmi ki, Bakıda sudan kütləvi zəhərlənmə, yaxud da ölüm olsun? Bu TDS suda ümumi həll olunmuş duzların miqdarını göstərir. Bu gün bizim qüvvədə olan standarlarımıza əsasən, bu göstərci 1500-ə qədər olduğu halda içməyə yararlıdır. Dünya səhiyyə təşkilatının standartlarında isə bu göstərici 1000-ə bərabərdir. Bu gün bizim Abşeron yarımadasına 5 mənbədən verdiyimiz sularda bu göstərici 500-ü keçmir. Bakıda satılan filtrlərin çoxu əks osmos tiplidir. Bunlar cod suların yumuşaldılmasına hesablanmış qurğulardır. Nəticədə suyun tərkibində olan minerallar məhv olur və ölü suya çevrilir".

Qeyd edək ki, son illərdə su filtri satışı ilə məşğul olan şirkətlərin işçiləri qapı-qapı gəzərək TDS (total dissolved solids) və elektrolizlə demo nümayiş etdirirlər. Suyun elektroliz nəticəsində çirkləndiyini görən vətəndaşlar filtr almağa razı salınır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]