BolgeXeber.Com » Ölkə » Azərbaycanda bələdiyyə seçkilərinin vaxtı açıqlandı

Azərbaycanda bələdiyyə seçkilərinin vaxtı açıqlandı

18-10-2019, 17:15

Oxunub: 4 088

Azərbaycanda bələdiyyə seçkiləri dekabrın 23-də keçiriləcək

Bu barədə Mərkəzi Seçki Komissiyasının (MSK) bu gün keçirilən iclasında bildirilib.

İclasa sədrlik edən MSK sədri Məzahir Pənahov qeyd edib ki, ötən bələdiyyə seçkiləri dekabrın 23-də baş tutub və bu ilin dekabr ayının 23-də bələdiyyə üzvlərinin səlahiyyətləri başa çatır.

M. Pənahov bu il bələdiyyə seçkilərinin dekabrın 23-də keçirilməsini məqsədəuyğun hesab etdiyini vurğulayaraq təklifi səsə qoyub. Təklif MSK üzvləri tərəfindən yekdilliklə qəbul edilib.

Bələdiyyə üzvlüyünə namizədliyin irəli sürülməsi prosesi sabahdan - oktyabrın 19-dan başlayacaq.

İclasda bildirilib ki, seçkilərdə iştirak etmək istəyən şəxslər seçkilərin təyin olunması ilə bağlı qərarın dərc edildiyi gündən - oktyabrın 19-dan namizədliklərini irəli sürə bilərlər./APA

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]