BolgeXeber.Com » Ölkə » Baş prokurorun birinci müavini Tovuz və Gədəbəy rayonlarının sakinlərini qəbul edəcək

Baş prokurorun birinci müavini Tovuz və Gədəbəy rayonlarının sakinlərini qəbul edəcək

16-01-2020, 18:51
Baş prokurorun birinci müavini Tovuz və Gədəbəy rayonlarının sakinlərini qəbul edəcəkAzərbaycan Respublikasının Prezidenti İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq, Baş prokurorun birinci müavini Rüstəm Usubov yanvarın 24-də saat 10:00-da Tovuz Rayon Prokurorluğunun inzibati binasında Tovuz və Gədəbəy rayonları sakinlərinin qəbulunu keçirəcək

Baş Prokurorluğun mətbuat xidmətindən Bolgexeber.com-a bildiriblər ki, qəbulda vətəndaşların prokurorluq orqanlarının səlahiyyətlərinə aid müraciətlərinə baxılacaq.

Vətəndaşların qəbulla bağlı qeydiyyatı və Tovuz rayonuna gəlmələri müvafiq rayon prokurorları tərəfindən təşkil ediləcək.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Müraciətlərə baxılması idarəsinin 437-28-79 nömrəli telefonu və [email protected] elektron poçt ünvanı vasitəsilə də qəbula yazıla bilərlər.