BolgeXeber.Com » Ölkə » Şirvan və Sabirabad polisi xüsusi karantin rejimi qaydalarına ciddi nəzarət edir (FOTO)

Şirvan və Sabirabad polisi xüsusi karantin rejimi qaydalarına ciddi nəzarət edir (FOTO)

16-04-2020, 11:37

Oxunub: 14 366

Ölkənin bütün şəhər və rayonlarında olduğu kimi Cəlilabadda da koronavirus (COVİD-19) infeksiyasının yayılması hallarının qarşısını almaq məqsədi ilə Nazirlər Kabineti yanında Operativ Qərargah tərəfindən qəbul edilmiş qərarların icrası ilə əlaqədar daxili işlər orqanlarının əməkdaşları gücləndirilmiş iş rejimində xidmət edirlər.

Şirvan və Sabirabad rayonlarının Polis Şöbələrinin əməkdaşları da həyata keçirilən tədbirlər çərçivəsində Şirvan , Sabirabad rayonlarının giriş hissələrində və digər ərazilərdə stasionar postlar qurulub, eləcə də rayon ərazisində qaydaların pozulmasının qarşısının alınması məqsədi ilə patrul xidməti yerinə yetirilir.
Polis əməkdaşları tərəfindən sakinlərin evdən çıxması ilə bağlı qadağalar nəzərə alınaraq, onlarla profilaktiki söhbətlər aparılmaqla yaşadıqları ünvana qaytarılması təmin olunur. Bir daha izah olunur ki, həyata keçirilən bütün tədbirlər sakinlərin təhlükəsizliyinin təmin edilməsi və onların sağlamlığının qorunmasına xidmət edir.
Xəbərdarlıqlara məhəl qoymayaraq xüsusi karantin rejimi qaydalarını pozan şəxslər barəsində isə inzibati qaydada tədbir görülür. Rayon ərazisində karantin qaydalarını pozan şəxslər qanunlara müvafiq cəzalanır.
Bu istiqamətdə tədbirlər hər iki rayonda müəyyən olunmuş rejim müddətində davam etdiriləcək.
BÖLGƏ TV-nin əməkdaşları adıçəkilən rayonlarda polis əməkdaşlarının xidmət etdiyi ərazilərdən çəkilişlər aparıblar.

Hazırladılar:Müxbir Niyaməddin Buludlu,Operator Ayət Şükürov
BÖLGƏ TV

Çox Oxunanlar